أنا اللي كان فينـي الخيــر يوم إنـي تحمّـلتك
وجيتك معتقد بانْك برئ وبس عـنيّـاتك
.

حسبتك مثـل باقي الناس أول يوم أنا شفتك
ولكن! خابت ظنوني بعد ما شفت عاداتك
.

صدمت الحال يا من لاحكيت آنا اللي صدّقتك
صدمت الفكر يا من كنت أقلـّه:كامله صفاتك
.

حشـى ماكامل إلا الله! وإنت ألحين نقّصتك
عقل زينه،،وفكـرتالف،،وحتـى فـارغ ابْـذاتـك
.

غريبـه! كيف راح الشك عن بالـي،،وأمّنتـك
غريبـه! كيف ماشافت عيوني زيـف ضحكاتـك
.

أنا ما كنت أشوف إلا الوفـا يوم إني ناظرتـك
أنا ما كنت أحـس إلا الصـدق منبع لكلماتك
.

حسافـة كنت أنـا مخدوع فيك وجيت كمّلتك
وإنت اللي حسبت إنـي بطيـح افـــْدرب غاياتك
.

تمهّــل وافْتـح عيونك،،وشوف شلون سعّـــرتك
بعد مـانْــكشفت اللعبـة،،وبانت كل غلطاتك
.

تعال إصبــر،،تعال وشوف،،واشْهـد كيف أنـا بعتك
وحتى النفس ذي عافتـك،،ولا ابـْــتشفعلك سواتك
.

واذا في يوم كان الخيــر فيني وقد تحمّـلتك
ترى مازال فيني الخيـــر أرد الديــن وحْــياتك





,منقــول’