|
البـــــــــــــاحة للأسف لا تستحق أن أجعلها مصيفاً لي فقط دعايه السلام عليكم مع لهيب الصيف الحارق هنا في نجد قلنا نبحث عن الجو البارد او يكفينا المعتدل توجهنا الى الطائف ثم مكة للعمرة ثم جده ثم الى الباحة مروراً بالطائف أستغرقت الرحلة أحد عشر يوماً 11 / 7 / 2009 م الى22 / 7 / 2009 م كلامي في هالموضوع عن الباحة تحديداً مكة المكرمة لزاماً علينا المرور بها وأحذ العمرة الطائف رائعة ولو أنها لم تتغير من عشر سنوات تبقى رائعة ولو الردف غبار ودبابات تبقى رائعة ولو الشفاء ماتلقى محل تجلس فيه بس رائعه خصوصاً طريق ذي غزال الموصل للشفاء مع كثرة المنتجعات والمنتزهات خصوصاً حديقة الملك فهد وكثرة الشقق والفنادق جده : غنية عن التعريف بس الجو إذا ضبط راح تنبسط كل مقومات السياحة متوفره فنادق أسواق شاليهات البحر لحالة متعة الناس المهرجانات المدن الترفيهيه وغيرها بس الجو مهم بنسبة 70% الحمد لله سفرتي لجده الجو خيالي 3 أيام نجي للباحه وش فيك يالباحة غير رغدان ؟ ورغدان رائعة بلا شك وش غيرها خلونا واقعيين قالوا الشهباء رحنا الشهباء على أسمها شهباء وطريق متلوي ولا يوجد فيها أحد حتى طريقها يكرهك فيها من عند الكليه حتى أهلها يقولوا مافيه غير رغدان قالوا عندهم قرية أثرية مررررره وحلوووووه وتجننننن بس يبي لها نزول عقبة الملك فهد قلنا مايهم بس هي حلوووه أبشروا حنا ما جينا 1300 كلم الا للمتعه ربطنا الأحزمة ومع عقبة الملك فهد تواجه سيارة متعطلة شاحنات طالعة و أخرى نازله بدأ الحر شغلنا المكيف كله لعيونك يا قرية ذي عين المهم تصدقون من تنـزل ما تلاقيك أي لوحة تعلمك كم بقي على المعلم التاريخي والله وحنا في آخر العقبة ونمشي يمكن 100 وواحد من العيال يلمح لوحة لوحت سيارتي أكبر منها تقول اللوحة (قرية ذي عين يسار وسهم ) طبعاً اللوحة واحد حاطها وليست وزارة النقل سمينا خوينا الصقر لحدة شوفه كيف شاف اللوحة المهم ونرجع للملف ونشوووووووووووووووووووووووووف القرية وهات كل واحد يقول وين الكاميرا حقتي واللي يفصل جواله من الشاحن المهم ونجي ونلاقي بوابه لا حوووووووووووووووووول بعد ذا يبي عشرين ريال على الدخوليه؟ ياليت والله ولا غرفة جنب البوابة كنها ديسكو صوت الأغاني يسمعونه أهل الباحة في السراة وأضرب بواري :confused: ويطلع أخونا من أهل جيزان سلام عليكم بكم الدخول يالطيب قال لي :no: القرية مغلقه أنا طارت عيوني وش مغلقه :mad: أفتح أفتح لا تمزح تراها قافلة من الباحة قال أخوي القرية فيها صيانه حنا وجيهنا كذا تعابيرها :no: :confused: :eek: :( قلت ما جت هالصيانه إلا في الصيف كل السنة فاضيه الا هالشهر ومغلقه صيانه قال والله ودي بس ما أقدر أدخل أحد والله ورانا جيب قطري لنفس الهدف قلت لا الله يستر عليك ما نبي نظرك أنت ماعليك شرهه الشرهه على هيئة السياحة والمجلس البلدي بالباحة بعدها غسلت يدي بصابون من هيك سياحة رجعت وكلي أسف حتى الباحة تحسها مافيها تطور قالوا عوضها ببلجرشي في منتزه القمع رحنا له وفااااضي المنتزه تصدقون ودي أقول لكم شئ بس أخاف تضيق صدوركم منتزة القمع فيه تلفريك بس :D :D :D ما يشتغل :D :D :D موقف معطى إجازة في الصيف يمكن البنقالي اللي يشغله منحاش عموماً سلام يا أبها أفضل الموجود والربوعة وفيفا وما جاورها طولت عليكم ياليت يوصل موضوعي لهيئة السباحة |
| الساعة الآن 07:46 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir