|
تعرف على سوق الخوبه,,,,,,(اسعار الشبابيط خياليه) بسم الله الرحمن الرحيم السلام عليكم ورحمة الله وبركاته صبحكم\ومساكم الله بالخير يأعضاء ومشرفين وزوار منتدى مكشات وشلونكم عساكم طيبين كلن بأسمه انزلت لكم موضوع عن سوق الخوبه الشعبي في منطقة جيزان في حدود اليمن ويوجد في السوق جميع انواع الطيور والحيوانات وينحصر موضوعي عن الطرادات الشواهين والوكاره وكانت اسعارها لاتختلف عن اسعارها المعروفه لدينا وصار حدث عجبت منه اشترى واحد من القنوص شبه كامله فيها اكثر من عشره شبابيط من الف ريال!!!!وشوف اليمنى كم الشبوط الف ريال هههه الله يرزقهم والعجيب ان الرجال نزل السوق الاسبوع الثاني يدور شبابيط والله العالم انه اشترى والله يرزقه من واسع فضله وهذي صوره لمنطقة جيزان والخوبه في حدود اليمن وهذي شبه فيها عدد من الطيور ومثل ماقلت لكم عن اسعارها ماتختلف عن اسعارها عندنا ولكن لاشريت شبه كامله فيها كم طير تفرق خمس مائه او الف ريال مثل هالشبات وهذي صوره لفرخ شيهانه وهذي صوره وهي مفرعه قالو اهل الخبره من قديم ان الطيور اللي تجي من السودان تجي فاعله وسألت واحد من الشيبان اللي لهم خبره ليه طيور السودان يمدحونها قال من الصيد المتوفر عندها من ارانب وكراوين وقال تجيك اكبر من طيورنا من النعمه الموجوده عندها وانا اقول والله اعلم ان طيور اليمن وجيزان مثل طيور السودان وهذ الصوره لفرخ شيهانه طيور الخوبه واجد ماشالله تبارك الله والشبات واجد واكثر الطيور شواهين جبليات وصوره اخرى لبعض الطيور القطا ياويلاه على القطا جاذب الطيور العواصي واسعار القطا رخيصه جدا واللي يروح ومايشتري من القطا خسران والطيور في الخوبه اشكال والوان ومنها هاليمام سبحان الله شكله ولونه جميل صراحه سوق الخوبه سياحه الواحد لو يروح ومايشتري طير ماهو خسران التمشيه تكفي كلها وناسه وفله وهذي صوره مني هديه لعشاق صيد الوباره الدجاج الحبشي وماادراك مالدجاج الحبشي تراه بري واللي يبي يدرب الطير قبل الحباره تجي تمهيل وتسهيل http://www.img1000.com/images/59ABCD0004.jpg واف 16 في الخلف هههههه , , , , http://www.img1000.com/images/69ABCD0002.jpg , , , , http://www.img1000.com/images/83ABCD0008.jpg وخرجنا بهالمزيونه شريناها من ابو عريش فرخ شيهانه شراها خويي عضو عندنا في مكشات وهو ابو خيال بيستخدمها كطراد والله يطرح فيها البركه وتفعل ان شالله , , , http://www.img1000.com/images/68676767.jpg اعذرونا على الاطاله وفي وداعة الله |
| الساعة الآن 12:30 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir