جاني وأنا في وسط ربعي
 

جاني وأنا في وسط ربعي وناسـي...جاني نشلني مثل ماينشـل النـاس

مني نشـل روح تشيـل المآسـي...تشكي من أيام الشقى تشكي الياس

أثر الالم في سكرة المـوت قاسـي...ماهالني مثله وأنا أنسـان حسـاس

جابوا كفن أبيض مقاسـه مقاسـي...ولفوا به الجسم المحنط مع الـرأس

وشالوني أربع بالنعـش ومتواسـي...عليه ومغطي على جسمـي لبـاس

وصلوا علي وكلهـم فـي مآسـي...ربعي ومعهم ناس من كل الاجنـاس

ياكيف سوى عقبنـا تـاج رأسـي...وأمي الحبيبة ويش سوى بها الياس

أسمع صدى صوت يهز الرواسـي...قولوا لهـا لاتلطـم الخـد يانـاس

قولوا لها حـق وتجرعـت كاسـي...لاتحترق كل يبـي يجـرع الكـاس

أصبحت في قبري ولابـه مواسـي...وأسمع قريع نعولهم يـوم تنـداس

من يوم قفوا حـل موثـق لباسـي...وعلي رد الروح صوت بالاجـراس

هيكل غريب وقـال ليـه التناسـي...صوته رهيب وخلفه أثنين حـراس

واقف يقول إن كنت يانمـر ناسـي...هذي هي أعمالـك تقـدم بكـراس

ومن هول ماشفته وقف شعر رأسي...وأنهارت أعصابي ولاأرد الانفـاس

ياليتنـي فكـرت قبـل إنغمـاسـي...بالغفلـة اللـي منتهاهـا للافـلاس

وفزيت من نومي على صوت ناسي....وأصرخ وأقول الموت واحذر الناس

مشكوور اخووي ع هاا الطررح الرااائع ..~!