نصيحتكم يا أهل الجموس
 

السلام عليكم ورحمة الله وبركاته

ياشباب وبالذات اهل الجموس واللي عندهم خبرة بها
انا عندي سييرا 1500 موديل 2008 z71 وارد امريكا

حبيت استفسر عن كم شغلة واشاوركم وياليت مايرد علي الا اللي عنده خبرة وتجربة في الجمس
انا نويت اركب مبرد للقير والكل ينصح في التروكول وان شاء الله مركبه بس ياليت تنصحوني بواحد يركبه لي ويكون من الشرقية لاني من اهل الشرقية واذا في اشياء لازم اغيرها لما اركب المبرد او اشياء لازم اراعيها فياليت تكتبوها وهذا رقم واحد


رقم اثنين انا وانيتي موديل 2008 مثل ماقلت الكم ومراوحه كهربا بس ماتشتغل الا لما ترتفع الحرارة وهذا شي معروف بكل الجموس فأنا حبيت اركب مروحة مكينة مثل اللي كانت تجي بموديلات 2002 طبعا ماراح اكنسل المراوح الكهربا لا بخليها وبزيد عليهم مروحة مكينة بحيث ان الحرارة ماترتفع لما ادخل البر وادوس عليه
لأن اشوف البكرة الموجودة بالمكينة فيها سنة والظاهر انها موجودة للي يبي يركب مروحة زيادة فشوروا عليي بالذات اذا كنتوا مجربين ونفس الشي للمروحة انصحوني من وين اشتريها وعسى الله يوفقنا وإياكم وشكرا ...