ياشين اللي ياخذون رايه وهو متعكر المزاج
 

بسم الله الرحمن الرحيم
السلام عليكم ورحمه الله وبركاته
بعد السالفه الاولى اللي نالت اعجابكم جيت باخرى واتمنى تعجبكم
يوم من الايام جاي من الدوام وصارلي موقف ضيق خاطري وعقبها بدقايق جاني اتصال من واحد من الشباب يقول تخاويني بنروح للعيال على بعد 300 كيلو من مكانا تقريبا وبنام عندهم الليله وترا العيال كلهم بيروحون وانا نفسيتي رايحه قلت له مانبي رايح شوي الا والاتصالات تتوارد وانا اصر على رايي واكمل على عنادي ماني رايح.
واجلس للمغرب وافكر الا عطله اخر اسبوع ووحدي مافي احد من الشباب والله ويرد لي عقلي وارفع السماعه واكلم خوينا هاه وينكم قال ياولد العيال زعلانين عليك اقول تحرك وتعال.
مااخفيك حسيت اني محتاج اطلع واشغل موتري وامسك الخط ودوس المشكله اللحين انا متحرك 7 المغرب وهم بيتعشون وحلفو مايتعشون لين اجي والمشوار طويل قلت شد على الموتر ولا انا مالي بالسرعه ابد لكن الضروره والخجل من الرجال اللي حالفه ماتتعشاء اللين اجي واشد الى 180 ايو والله ماقريت الا صوت الانفجار حرام علي لاتصرفت ولا عملت ولا سويت الا اني مسكت الطاره وسلمت امري لله والمشكله الامامي الايمن والله يالربع ان السياره مشت اللين وقفت وراء الخط الاصفر على اليمين وانا انزل واتحمد ربي على السلامه واعين الاضرار الا واسلاك الكهرب لافه على الكفر وهذا من لطف ربي انها قطعت الاسلاك وطفت السياره.
المهم ان المشكله في لون السياره الاسود وثوبي الاسود والساعه قاربت 9 في الليل ظلام دامس
قلت ياولد اتصل على ربعك وقلهم جاني اتصال وبرجع عشان ماينتضروني وتم ماكان في نفسي.
اما انا فوالله انهم يمرون من عندي مايشوفوني كله اسود في اسود سياره وثوب وظلام واجلس على حالي ساعتين اللين جاني راعي هايلكس سفط اشهد انه كفو حاول قلب عمل مافي الا سطحه رحنا ندور سطحه مافيه الا الصبح قلت ياولد شفلنا حل قال اوديك مشوارك وارجع الصبح ارفعها على سطحه قلت انت وين رايح طلع مشواره قريب من اخوياي قلت اجل ودني معك ودقيت على واحد بعد ماتعشو وسمرو قلت قابلني في المكان الفلاني ولا حد يدري والله جاني على الوعدوطلعت معه ورحنا للشباب كملنا السهره والصبح رفعنا سيارتي على سطحه وكملت اليومين عندهم ويوم رجعت وديته الورشه وزينوها. ونحمدالله على قضاه وقدره... وسلامتكم