|
نصيحة قبل توظيب القير ( نتعة قوية بقير سيارتي وكل الورش قالوا توظيب ) السلام عليكم قبل فتره طلع لي مشكله بالقير عبارة عن نتعة قوية بالتغييرات وتأخر التعشيق من نمره الى الاخرى لدرجة ان ضغط المكينة يوصل للأخير ولا يعشق القير رحت الصناعية فحصت كمبيوتر وقالي يبغالك برمجة للقير سويت البرمجة وبدون اي فائدة وجميع الورش الي بالصناعية مريتهم وكلهم يقولون لازم توظب القير اسبوع كامل وانا الف الورش بالصناعية لين طحت لي بالصدفة بسوداني ابن حلال سألته عن سعر التوظيب قالي اطلع نجرب السياره طلع جربها وقالي القير مافيه شي المشكله عندك من الكهرباء طلبني أغير حساس السرعة وغيرته ومازالت نفس المشكله وبعدها قال روح عند كهربائي وخله يشيك على الظفيرة والكهرباء وديتها بصناعية ابها عند شخص معروف اسمه الجاوه نزلته عندهم الصباح وجلسوا شغالين فيها الى العشاء وقالوا الكهرباء عندك سليمه ومافيها اي مشكله بصراحه فقدت الأمل بالقير وتعبني عالفاضي قلت بوظبه والسوداني شكل ماعنده سالفه وإلا مو معقوله كل الي بالصناعية يقولون توظيب ماعدا هو فقلت خلني ارجع له واخليه يوظبه لان سعره أفضل من غيره رجعت له وقال ماني موظبه لك وارسلني على سوري جنبه رحت للسوري وقلت له المشكله وقلت له اني غيرت حساس السرعة ومازالت نفس المشكله قالي بسيطة المشكله عندك في الكهرباء وداني لكهربائي يمني اسمه نجيب وقالي ارجع بعد ساعة وبصراحة كنت غاسل يدي منه لين رجعت له وقال سيارتك مضبوطة اللحين أعطيته 400 ريال وأخذت السيارة وماشاء الله تبارك الله صارلي اسبوع استخدمها وراحة النتعة نهائيا والتغيرات ناعمه جداً ولا احس فيها اعتذر على الاطاله والأخطاء لكن حبيت انقل تجربتي لأَنِّي استفدت من هالمنتدى اكثر من مره وممكن موضوعي هذا يفيد احد من الأعضاء او الزوار |
| الساعة الآن 10:03 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir