السلام عليكم ورحمة الله وبركاته
اسعد الله صباحكم اجمعين

خرمان شاهي منعمي يدور الكيف
ثـم أركـب البرّاد مـن فـوق نـاره

يومه غلى من دون تلقيم ياحيف
من فوق رجله طاح طيحة عزاره

السالفه ياخواني قدر الله وماشاء فعل والحمدلله على قضائه وقدره
سويت شاهي وقبل لاحط فيه سكر وشاهي انتدحر البرادي وكوى رجلي
وودوني للمستشفى وحط مرهم وفوقه الشاش طبعا الجلد اكرمكم الله اللي فوق الرجل كله طار
واليوم رابع يوم للسالفه وادخلوني الناس بهروجهم جميع كلامهم انك لو تفك الشاش عنها وتخليها بالهواء يلتم الجرح بسرعه والدكتور يقول لاتشيل الشاش والحال الحين كل يومين اسوي غيار للجرح
والحين ابغى مشورتكم ومن شاور ماضاع الله يسعدكم بالدارين ولاتشوفون مكرووه فيكم ومن يغلى عليكم🌹