منتدى استراحات زايد - قصيدة اهداء لعشاق الجير والمهجنات

اهداء لعشاق الجير

قم يا عشيري الي يضيق من المدينـه والقعـاد
اركب جديد الطرز ابو وجه عريـض وشغلـه

اللـي لا دقيـت سلفـه كنـك تشـب الزنـاد
نار تقادح في حشـى الماطـور يـوم تدبلـه

الي غرامه فجت صدور الصحاصيـح البعـاد
لاكنه الا يبغـه المشـوار ابـك قـم وصلـه

مـن هيئتـه ماهـو لديـره ولا هـو للبـلاد
يبكي على قاع بـه الكـدري عشـاه يحصلـه

قم دامها هبـت مـن القبلـه نسانيـس البـراد
والطير صف ريـش القـض الجديـد وكملـه

نبـي طيـر حشـا مـا دوجوبـه بالـمـزاد
ولا صادة الطاروح ابو شبك الحمام وزهملـه

انتاج مزرعتن بها سلطان بـن حمـدان جـاد
جاب النـوادر واجتهـد بانتـاج طيـر جملـه

لا صار ابوه الجير والخـال ملعـون الشـداد
حر من كثر صيده عجز صاحبـه مـا عدلـه

ان زاد به الجير نسبه قول على الصيد النفـاد
من سرعتـه كـن الحبـارى بالطيـار مكبلـه

وان زاد به الحر قل صلوا على سيـد العبـاد
المفرع الجـذاب والعاتـك وبالطلـع ازهلـه

العام رحنا بالاحرار بيـن صـاد وبيـن عـاد
نادرهن الي صاحبه عقب القنـص مـا سبلـه

ونبيلنا قطعت ليالـي بيـن هـد وبيـن صـاد
في ديرتن تحتاج مع قـوة القلـوب المرجلـه

دار بها كاظم الـي منـه تعـزوا فـي جـواد
عينه على الجيب الهمر والثانيـه يمـت هلـه

العـام جيناهـا ولكـن مـا اكتفينـا بالـهـداد
حطت على كل الديـار اللـي حداهـا كنسلـه

تكفى تراء ما عاد بي لوشح ودشـاش الحمـاد
ولا عاد فـي ديرتـن تكثـر علـى الاسئلـه

حمايتـن وسـروح بـدو يـا عساهـا للقـراد
وان شفت جرت خارب صكو عليـه محلحلـه

روح بنا لديره الـلي غـرب من بغداد غـاد
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تلقى الابيـض معتـرض كنـه عـدو لسـواد
مدارجه يلقـى بـه الخـرب المزيـر مدهلـه

يا زين فنجال الضحى من عقب شوط من الهداد
باطراف روض وسط اطراف الشجر متداخلـه

عرفج ورمث وشيح وشنان وشرايد من كـداد
ذا شوف عيني دجت به ماهـو قـول مقولـه

قاعـن تنسيـك المدينـه والمشاغـل والنكـاد
ان طبهـا محمـد ولـد عبـده يغنـي مذهلـه

الشاعر حمد السعيد