|
قصيدة الشاعر سالم سيار الجراح قصيدة الشاعر سالم سيار الجراح عسى ما ازعلتك البارح وزودت الجراح جراح عسى ما مرت الدمعة على اهدابك من اسبابي جرحتك من كثر شوقي وخليت الكلام رماح ولا ادري شلون يا عمري طعنتك حيل بعتابي بدون شعور صدقني ترى كثر الغلى ذباح تعال وشوف بغيابك غلاك شلون سوى بي حرام تغيب من عمري وتعطيني الفراق وشاح حرام الدمع في عيني مناديله هي اهدابي غيابك يشغل عيون الزوايا وامتلي اشباح وانا انثر صوتك بقلب المكان واشعل ابوابي تلفت للامل دام الرجا في عمري الملواح اناديلك ولو شرهك وصولك تقطع اعصابي ابيك الجاي من عمري انا ما بيك شي وراح مدامك اجمل واخر مدامك اول احبابي ابي ارتاح يا عمري انا ادري هم تبي ترتاح تعال وقبل ما افرح ترى تفرح بك ثيابي احبك احبك يابعد عمر الحزن والجرح والأفراح احبك كثر ما نامت عيونك داخل اهدابي |
| الساعة الآن 01:52 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir