عندي مشكله في سنسر الكفرات
 

السلام عليكم ورحمة الله وبركاته

كما ذكرت في العنوان عندي مشكله في سنسرات الكفرات لسيارتي كاديلاك اسكاليد امريكي 2007 كانت بدايتها في سفر وطلعت لي علامه انخفاض ضغط الهواء وشيكت عندي في شاشة المعلومات واتضح لي ان سنسر الكفر الامامي الايمن فقد القراءة ( قراءة ضغط الهواء في الكفر ) وبحثت في النت عن طريقة البرمجه ولقيت الطريقه ولله الحمد وجربتها ..

كانت النتيجه ان نفس السنسر اللي فقد القراءة لا يستجيب للبرمجه ، رجعت ابحث في النت عن السبب وكانت الاجابه اما عطلان أو البطاريه تحتاج لتبديل ؟؟

حبيت اوضح نقطه ( بعد ما فشلت البرمجه فقدت الحساسات كلها القراءة )

المهم حبيت أبدا بالسهل وهو افحص السنسر ان كانت فيه بطاريه او لا وطلع مقفل كامل ولازم ينكسر لأجل اعرف اذا فيه بطاريه او لا فتركته ، بعدين رجعت ركبت السنسر ورجعت الكفر مكانه وعملت برمجه وهنا تبرمج السنسر اللي كان عطلان ولكن سنسر ثاني ما استجاب للبرمجه رغم انه كان شغال قبل ، رجعت عملت برمجه وتبرمجوا السنسرين اللي رفضوا الاستجابه فالمرات السابقه وطلع سنسر اخر ما استجاب وهذه المشكله مستمره الى الان ثلاثه يستديبوا وواحد ما يستجيب وكل مره يتبدل الدور عند سنسر ..

والسموحه على الموضوع الطويل :d بس حبيت اشرح المشكله من البدايه عشان يكون موضوعي واضح ، واتمنى اللي عنده خبره في الموضوع يفيدني ..

للمعلومه : فكيت اصبع البطاريه يوم ونص وركبته وعدت البرمجه ونفس القصه 3 يستجيبوا وواحد لا :(