بطن الشاص هبل بي... ارجو المساعدة يا جماعة
 

السلام عليكم ورحمة الله وبركاته
صباح الخير للجميع

يا جماعة الخير معي شاص 2007
قد صدمت عليه والصدمه تقرييبا اثرها
على ارتكاز الشاص والكفر ولا يوجد ميول ولا غيره الحمدلله

صحيح البدي ما تاثر الاشي بسيط ولا يذكر ولكن بطن الموتر تخلخل

جلب عمود توازن قدام وورا + كراسي مكينه +جلب شكمان من الي + تغير رباط وجلبة رباط + تربيط مسامير الحوض وقواعد البدي + صوف عمود كردان وعمود دبل لان الصوفه اي خلل بالوزنيه لو لحظه ما تطول غدرتها

لكن ما زال فيه اصوات غريبه ببطن السياره
مدري اذا صواميل تبي شد شيء ماهو ظاهر
على سبيل المثال لا الحصر
عندي السسته ورى تطق وترزح بقوه نوبات لاصرت بالنفود وحولته مع السيوف ولا قصوص
واذا لفيت ولا ميلت السياره قامت تطقطق
سبعين مره يقولون وزن ريش توزن ومجرد اتعدا راس الشارع ترجع والله جتني عقده
هذا غير بعض الاصوات الي مدري وش مصدرها
وحرة عمدان مدري منها ولا من الصليبات وبرضو صوت طقطقه بكفر يسار قدام والكفر معتدل
الزبده انه مرضني
وانا مشكلتي انسان معقد جداً من ناحيه اصوات البطن


ارجوكم دلوني على ورشه او فني شغلهم تمام لا تعديت بابهم ما ارجع لهم ينفضون حدريه كامل ويعرفون وش فيه من عله تحتاج اصلاح
لا مانع تكون بسدير او القصيم او الرياض
ارجوكم من عنده علم لا يبخل علي

ارجو من المشرفين التريث وعدم نقله لخيمة الاعطال لقل المشاهدات هناك