منتدى استراحات زايد - تانكي ستانستيل الاسعار * الصور

السلام عليكم

صباح الخير على الجميع ...

بعد مشوره وافضل تانكي مالقيت افضل من الستانستيل بس اغلب الي في السوق مغشوش ولا تلقى شي يبرد القلب واغلب الي في السوق المنيوم بسبب غلاء الستانستيل قررت اني اسوي تانكي بنفسي واجمع المواد بنفسي حرصاُ على الجوده ويكون على قولتهم قولتهم من الزاويه لزاويه ستانستيل طبعاً تمشي المغناطيس عليه وعلى الحام وعلى الحلق مايمسك كلها ستانستيل صافي السعه المفترض حسابيا تكون 100 لتر طلع الفعلي 85 لتر ..

نبدا اول بتجميع المواد قمة بشراء ستانسيتل من الصناعيه القديمه في عدة محلات اشتريت صفيحة ستانستيل بطول 3 متر وعرض 1,22 وهي كافيه لعمل التانكي يركب على الاندكروزر وعلى السفاري . الصفيحه سعرها 650 ريال بسماكة 1,5 ملى وحصلة بعد ماشريتها محلات تبيعها ب600 ريال طبعا افضل الي بسوق تايون انحش عن الصيني رقم الاستانستيل 304

فيه صفيحه نفس المواصفات بس السماكه تفرق تكون سماكتها 1,25 بسعر 500 ريال تظبط على الحام يعني انت واحتياجك .

بعد كذا وديتها لطعاجه ومعي التصميم والمقاسات وتم اختيار الارتفاع 10 سانتيمتر قامو بالقص والتطعيج انتبهو عند اختيار الاستانستيل لاحد ياخذ سماكة 2 ملي لان الطعاجات ماتقبل قصها وتطعيجها بحجة انها تخرب حدة مقص الطعاجه وان حصلت طعاجه بيدبل عليك السعر .

سعر التطعيج 35 ريال لاني سعودي وانا اشوفهم يقصون لعمال ويطعجون لهم بسعر 10 ريال و20 ريال .

المهم بعد كذا بداء مشوار البحث عن الحلق لتعبية الماء مقاس 1,5 بوصه المقاس ذا ممتاز لانك تحصل غطى له في أي مكان من ستانستيل او بلاستك وعند برق الحياء غطاء بلاستيك بسعر 5 ريال مع بلف اخراج الهواء .
ولتصريف الماء مقاس نص بوصه .
تعبت وانا ادور ستانستيل صافي اغلبها مخلوط وصيني والمغناطيس يمسك فيه ماحصلتها إلا عند محل واحد اسمه (( ملفى )) اخذت الحلقين وتسكيره ستانيستيل بسعر 80 ريال .
ابتداء مشوار البحث عن لحام استانيستيل صافي انتبهو من المحلات اغلبهم يقول لحام ستيل وهو لحام عادي بس يستخدمون ستانستيل فيه وهذا يسبب تطعج التانكي مع الزوايا واماكن الحام .
طبعاُ الستيل له لحام خاص ويستخدم في الحام اسطوانه زي الاكسجين يسمونه لحام (( اورقا )) يسميه العامل كذا مادري اذا فيه غلط بالاسم J
المهم بعد الفر وكل واحد يألف سعر من راسه واحد قالي الحام 1000 ريال واحد قالي 800 اقل واحد حصلته كان سعره 350 ريال وحطيته عنده .
وهذي الصور بين يديكم وارجو اني جاوبت عن جميع الاسئله قبل سؤالها ..

[URL=http://games.m5zn.com]http://up4.m5zn.com/9bjndthcm6y53q1w.../2nh01d4e4.jpg[/url]

[URL=http://games.m5zn.com]http://up4.m5zn.com/9bjndthcm6y53q1w.../kqj5e63j1.jpg[/url]

[URL=http://games.m5zn.com]http://up4.m5zn.com/9bjndthcm6y53q1w.../7714oo205.jpg[/url]

[URL=http://games.m5zn.com]http://up4.m5zn.com/9bjndthcm6y53q1w.../o2l3fev8d.jpg[/url]

[URL=http://games.m5zn.com]http://up4.m5zn.com/9bjndthcm6y53q1w.../57j0r0l90.jpg[/url]

[URL=http://games.m5zn.com]http://up4.m5zn.com/9bjndthcm6y53q1w.../hcoq4xcc8.jpg[/url]

[URL=http://games.m5zn.com]http://up4.m5zn.com/9bjndthcm6y53q1w.../126pxz0jl.jpg[/url]

تم بحمد الله أي استفسار انا جاهز ...