|
تغطيه شامله لمزاد الطايف الخميس الماضي.....ذراع الذيب بسم الله الرحمن الرحيم السلام عليكم ورحمة الله وبركاته مساكم \وصبحكم الله بالخير اعضاء ومشرفين وزوار منتدى مكشات انقل لكم اليوم بالصورعن مزاد الطايف يوم الخميس الماضي وكان الحضور طيب من جميع انحاء المملكه والخليج والذي كثرت مواضيعه هذا المزاد في جميع المنتدايات وخصوصا منتدى مكشات وتميز المزاد بحضور المع رجال مكشات ومنهم الفيتو والقرناس المهاجر وحضور بعض الشعراء ومنهم ابوعون الشنبري وكانت الطيور طيبه من شواهين جبيله ووكاره وشواهين عراقيه وتركيه ولله الحمد بيعت فوق 12 طير من شواهين ووكاره ترواحت اسعار الشواهين مابين 1500.2000 الف ريال والوكاره مابين 4000.3500 ونستعرض لكم بعض صور المزاد وهالرجال اللي في الصور هو الصقار الشريف عبدالله هاشم(المعتزل) اللي يحرج على الطيور وهذي صوره اخرى وهالنظرات اعجبتني والله يحفظه صراحه يوم الخميس من احلى ايام السنه اللي مرت على وتعنيت لها من الرياض من شان شوف هالطيبين وشرواهم من الرجال مع اني ماكنت افارقهم لكن ضروف العمل اللي ابعدتني عنهم وجيناهم بلهفه وشوق وفي هذي الصوره يظهر فيها شاعرنا ابو عون الشنبري يمين الصوره والجلسه معه ماتتعوض كل علومه غانمه ويازين الشواهين كلها حلا وكان الحضور اكثر من رائع ماقصرو والله يعافي الجميع حضورهم كان اكبر دعم واللي حضرو من بعيد الله يجزاهم خير ماقصرو هم ضيوفنا واللي ادهشني بحضوره واحد غالي عليكم صراحه كان زين الرجال وجمال المزاد زاد بحضوره واقوله لاخلا ولاعدم ..واعذرنا على التقصير عسى الله يجيب ذاك اليوم نتواجه فيه واقول مثل ماقال شاعرنا المهاجر لكن لنا ميعاد بذيك المقابيل..لا الله عطانا العافيه نلتقي فيه وهذي صوره لطير وكري والفرخ الشيهانه هذي بيعت 1700مزيونه الله يبارك لراعيها ماشالله تبارك الله عليه ولد عبدالله هاشم الجلسه معه ماتنمل مثل ابوه والله يحفظه هالقرناسه من نصيبه وهالفرخ مطروح جنوب مكه 13.14ونص بيعت 3500 وسيمت من المشتري 4000 لاتشككون في اسعار الشواهين راح تتعدى هالسعر وصوره اخرى لها في المنطقه اللي انطرحت فيها وبعض صور الطيور والوكري المزيون سيم 3700 ولا بيع الله يرزق راعيه السومه الطيبه والرجال اللي واقف خلف الطير الشريف ابو هاشم في وداعة الله جميع |
| الساعة الآن 07:11 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir