منتدى استراحات زايد - ارجو جميع الاعضاء الدخول والمشاركه (رايكم يهمني جدا ياهل مكشات)..

السلام عليكم ورحمه الله وبركاته

كيف الحال يالربع وش علومكم وش اخباركم والله ما تدرون كيف وصلت وشاركة معكم بعد تعب لي شهر وعليها مشارك ولا اعرف افعل لا عضويه ولا اعرف اي شئ نهائي المهم قلت يابو عبدالله سوي اضافه للرجال يمكن ينفعونك وسويت اضافه وفعلآ ماقصرو الرجال نفعوني اخوي صياد سكاكا واخوي قرناص واشكرهم من اعماق شريان قلبي تعبتهم معي قسم بالله جميل ما انساه لهم المهم مالكم في الطويله

حـــبيت انزل لكم اول مشاركه في منتديات مكشات

ذا الذيخ هندل العمر 3 سنوات ابوه زين وامه زينه ابوه عند رجال شرواكم في مكه اشراف وامه عند عتبان وان شاء الله اصوره لكم كذا صوره :o :confused: :confused:
1-
http://www.almlf.com/get-8-2009-almlf_com_5dbwhy71.jpg

وذا السلوقي شاروب بس للاسف انسرق العمر يوم انسرق سنه ونص وله مسروق سبعه شهور يعني وصل السنتين اذا هو عايش واذا ميت الله يرحمه سلوقي زين واوفل يمكن ما تعرفون وش معني اوفل يعني اريش :mad: :mad:

2-
http://www.almlf.com/get-8-2009-almlf_com_gd2cumya.jpg

وذا السلوقي غني عن الكلام والوصف السلوقي جاني هديه من امير وعمر السلوقي 4 سنوات والسلوقي حاليآ في الجنوب يقنص ارنب ومعه هندل طبعآ راعي السلقان منثبر في البيت بسبب ظروف الجامعه وابي رايكم بكل صراحه فيه.. :)

1
http://www.almlf.com/get-8-2009-almlf_com_i9aum0hl.jpg

2
http://www.almlf.com/get-8-2009-almlf_com_ew5q4i7m.jpg

3
http://www.almlf.com/get-8-2009-almlf_com_gjyv0t8d.jpg

ابي رايكم بكل صراحه وبدون مجامله في السلقان
واللي عنده اي تعليق يحطه واذا عيال عمي صورو المقناص تصوير جوال حطيت الصور ان شاء الله هم معهم كاميرات فديو قلت لهم ابي كم صوره بالجوال ان شاء الله يجي الخير ونشوف بيض وجهي لعبان وهندل ولا لا اسف على الطاله ننتظر الردود :p