امي ماتحبني وش اسوي؟
 

دايم امي اذا جيت اقطع الطماط تقولي وخري انتي ويا تقطيعتس البايخ يمرس الطماط ويخليه يتفعص ويطلع منه العصير وانا اقولها والله العظيم انه من السكين مهيب حادة لانتس انتي تقطعين البصل بالسكين المسنونة وتعطيني السكينة اللي عطاتس اياها ابوي في ذكرى زواجكم الثانية بس تزعل وتمكع شعري وتطقني بعروة السكين وتقولي اها بس والله لا اكسر لابتوبتس واكب علي موية بعد!
حتى ذيك المره كنت في بيت خالتي حصة وكنت مع موضي نحش في سارة بنت عم موضي وقلنا انها تسنها عنزن تفاودز لامنها قامت تسلم امي نورة وشافتني امي وانا احش وبزرت فيني بسم الله الرحمن الرحيم والله العظيم ان قلبي طاح!
ومره ثانية كنت في السوق وشفت لي كنادر كبتن ماجد اللي فيها لمبات وقلت لها يمه خل نشتريها لتس هع هع هع وزعلت علي وعطتني كف في السوق :(
وش الحل ليش امي كذا دايم معصبة علي؟ المشكلة اذا جت سارتالبراهيم ومنيرتالفهد تنقلب شخصيتها اربعة وعشرين درجة اما معي لا قبلها تتسعمني
الرجاء النجدة انقذونيّّّ!!!