منتدى استراحات زايد - سحاب

يالله تحييهم

اذكر ونا في نخلي في شقراء كل من جاني مسير وجا يبي يروح مالقا نعاله ههههههههههههههه
ونا شكيت في العامل ولا وشو ذالي يجي وياخذ النعال ولا ندري عنه
قلت للعامل تعال وين وديتا نعالي ونعال الرجال قال انا مافيه معلوم
وكل من سير علي يروح لبيته حافي ههههههههههههههههه
ونا مثلهم اجل شاري تكرمون نعال باتا وتنسرق وبس ماجاني النوم ذيك الليله متحسر على الباتا
تذكرونها الباتا http://www.albrari.com/vb/images/smilies/a_laugh2.gif

وقعد اتصيد للسروق وشتري باتا ثانيات وحطهن عند الباب وتوزا ابا اشوف السروقي منهوhttp://www.albrari.com/vb/images/smilies/z-attack.gif ومادريت عقب ساعه الا بالسلوقي يعني كلب يجي من برا المزرعه ويعض النعله ولحقه وهو مايدري من بعيد وشوفه يحفر في الرمل ويدفنهن هههههههههههههههه لا يالجعري هذا ونا قبلي احطله اكل وماء تاليها يسرق نعالي ونعال ضيوفي
وروح ولقا كل النعال مدفونه وطلعهن كلهن صرت كني باسط بنعال من كثرهن ههههههههههههه
وعلم ربعي كل واحد يجي يشوف نعاله وياخذهن
وكلهن لقيتهن الا نعالي الباتا مالقيت الا وحده عجزت القا الثانيه لا يالحرمي يالسلوقي

ترا منول اول ماجت نعال البلاستك طلعت اشاعات يقولون تراها تسبب الصرطان هههههههههه

ومنول اذكر في شقراء وذكر يوم توه ميت الملك فيصل الله يرحمه يعني مهوب شي بعيد مره مسكو واحد من اهل شقراء كان معه رادو صغييير وقبله حاطه عند اذنه اكيد صوت الرادو ضعيف او ان سمع الرجال ضعيف ويمسكونه يقولون يخابر مع اسرائيل ههههههههههههههه
وكبر اعدائنا منول ابليس وسرائيل هذولي هم الي غاثينا http://www.albrari.com/vb/images/smilies/wallbash.gif

تصدقون اول ماطلعت الروادو كانت من اكبر المحرمات في شقراء
لانهم يقولون ان الي صانعه ابليس يبي يلهي المسلمين عن الذكر والصلاه ترا كلامي واقعي صحيح انه مايصدق بس هذا واقعنا منول وكثر بعد بس خلوني ساكت ولا فيه اشياء اكود من الرادو http://www.albrari.com/vb/images/smilies/038.gif

وكانت الروادو يهربونها تهريب هي والتتن http://www.albrari.com/vb/images/smilies/icon30.gif

هلحين شوفو في القصيم سيارتين الا هلحين موجودات في حوش الحبس مصادره بسبب تهريب التتن