|
سحاب- وعلوم جديده عن حياتنا منول -ويازين وقتن راح ياليت يرجع السلام عليكم ورحمه الله وبركاته بسم الله صلى الله على محمد ياالله تحييهم كلهم صغيركم وكبيركم وذكركم ونثاكم وليا حيا كثر امس شبو علي عيالي ودنا للجنادريه ورحت بهم ويوم جيت البوابه الرئيسيه ولا والله العسكر من ظباط وجنود ويوقفوني وقال الظابط معك تصريح للدخول قلت له لا والله مامعي ثمن قالي انت تبع مين قلت انا تبع رب العالمين ثمن قعد يضحك الظابط وهو يقول للجنود خلوه يدخل تبع رب العالمين :D والحمد لله سمح الله الامر ودخلوني مع الرئيسيه نزلت عيالي وطبعن انا رحت الشكوا لله مقوا امشي واجد ولا ودي والله اتفرج ووسع صدري وبلع من الكليجا بس ياحيله الله اقوا هذا المكتوب نجي للسواليف منول اذكر الا سير احد على احد ثاني ولا لقاه يقوم المسير ويربط قطعه قماش في الباب ولا يحط كسره عود علشان الا شافه بعدين يقوله تراي مريت عليك ولا لقيتك والماريه رابط قماش في عروه الباب ولا ذاك يقول راعي البيت اثره انت ونا اقول منذا الي مار علي ورابط قماش على عروه الباب تراهذي طرق التواصل الاجتماعي منول :D اقول ياالطلعه التاليه او يالتوالي ياعيال النعمه ترا ماعندنا منول شناط نحط فيها ملابسنا وغراضنا الا جينا نسافر مافيه الا قطعه قماش نفرشها في الارض نسميها لفافه هههههه ونحط عليها مقاطعنا ترانا منول مانسميهن الثياب نسميهن مقاطع ومفردهن مقطع ودك عاد تشوف ذاالملابس شهب ولهب ولالبستا الثوب يالله ياصل نص الساق كنك من قوم عاد ههههههههههه والكموم بعد ماننقض الرفاعه تاصل نص ذراعك تخيل تصيرالكبكات عند مرافق يديك :p ونمشي عادي ولا تسمع الا صرقعه النعال الزنوبه او ام صاروخ وخص الا قصينا قطعه لستك حق كفر السياره ونحطه تحت الزنوبه علشان ماتنحل وتقطع بسرعه ولا مشيتا تعال اسمع الصرقعه ونت تمشي امحق من صاروخ تصدقون الشوك العاقول يخترق ام صاروخ وتدخل الشوكه في رجلك بس عادي مافيه احد يمشي الا تلقا معه منقاش للشوك وشبريه يعني سكين صغيره وفيه ناس يسمونها مبرات ولها عده استعمالات بس يالله الدنيا عبر وفيه شي ثاني بعد اذكر العجيزات والعويد منول الا خافو ينسون شي يقومون العجوز تعقد طرف شيلتها والعويد يعقدون طرف الشماغ علشان الا جا بعدين وشافو ذا العقد يقولون وش انحن عاقدينهن له اكيد فيه شي خايفين ننساه ثمن يقعدون يديرون الفكاير الين يذكرون العود الا ذكر وشو علشانه عاقد شماغه يقول اعقب مابغيت اذكره هههههههههههههه:D والعجوز الا ذكرت تطق على رجلها وهي تقول شاعوف يطيرالعدو بغيت انساه :p وكثر العجيزات منول تربط مفتاح بيتها في طرف الشيله علشان ماتظيعه ذهينات بعد اذكر مره رحت اسير على عجوز ومعها عودها ولا عندهم عيال بالحالهم في البيت ويوم جيت عند البيت ولا هذا الشايب جالس عند الباب يتشمس وسلم عليه وشلونك يبو فلان بشرني عنك قالي انا بخير ونعمه لو ذا العجوز مهيب عندي :D قلت افا يبو فلان هذي الغاليه قال كان غاليه عندك ولا انا لا والله :p وقلت وينها اجل ابا اسلم عليها قال شفها رابظه كنها بقره في بطن البيت تدور الشر والعيش المر :D ودخل يم فلان يم فلان قالت يالبيه تعال انا فيذا وروح يمها وسلم عليها وشلونك بشريني عن صحتك قالت طيبه لو حصان بليس مهوب عندي :p ويدخل الشايب ويجي عندنا وقلت وراكم هلحين مغير كلن يلفط على الثاني تقل ضب توه مصيود قال الشايب انشدها هي عندها العلم قلت يم فلان وشو الي حاصل قالت ان لسانه يلوط اذانه يوم اوحاني اكلم على اخيتي الي ماعندي الا الله ثم هي بالدنيا قال الشايب اي والله عجبه انا الي شاري التلفون بدراهمي ابيه لي ماشريته لك انتي وختك ثمن قال خل اعلمك بالعلم الي ماينسكت عليه ابد قلت وشو العلم قال تراها تكلم بالتلفون في تالي الليول انا موحيها كم مره وهي توصوص وهي في حجرتها وتصك الباب بعد تخاف اني اوحي شي من يصبرعلى هذا قلي وقبلي اسمعها تقصد قصيد وتقول حسبي الله على الي حال دوني ودونه :p قلت ايه اثره كذا ورص يد العجوز وقولها منهو صحيبك علميني منتيب تلعبين يم فلان وتقعد تحقرص وتغنج وهي تقول خله يدري لا يحسب مهنا الا هو ههههههههههه تعرف تحره العجوزمهيب لعب ثمن قلت لها بعذره الا زعل وهذي علامه ان ابو فلان يغار عليك ويحبك قالت حبته القراده لا يحبني ابد قال الشايب انت توحي وشي تقول ثمن قال انا هلحين منيب متعدي الين تجيب تلفوني وقول للعجوز عطيه تلفونه ونا ابا اجيب لك واحدجديد غيره هلحين بس لا يدري عنه قالت العجوز شفه في حجرتي خله ياخذه ويصك عليه ويشبع فيه وجيب الجهاز وعطيه الشايب ويلف عليه سلكه ويروح ويصك عليه في حجرته قال هلحين ارضا وهويحسب الي يكلم الجهاز بالحاله على نياته ثمن جبت للعجوز جهاز ثاني وهو مايدري شكلي خربت العجوز وسع الله صدوركم يالغالين وفرج همومكم وغفرلذنوبكم ونا معكم جعلكم ماتشوفون شر وسبحان الله العظيم وسبحان الله وبحمده عددخلقه وزنه عرشه ورضا نفسه ومداد كلماته |
| الساعة الآن 12:53 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir