تجربتي في تفكيك الداخلية
 

السلام عليكم ورحمه الله و بركاته
اخباركم ان شاء الله تكونون بخير ...
هذا اول موضوع لي في هذا المنتدى العريق
حبيت اشارككم تجربتي الطويلة شويتين في تربيط و تنظيف و اصلاح
التجربة على اكسنت 2002
و كانت المشكلة الاولى وهي دخول المويه للسيارة عن طريق الارضية وفا عرفت ان الشغلة تحتاج فك الارضية و اكتشاف سبب دخول المويه ..
فا رحت للورش و اعطوني اسعار ما تستاهل اصلا اللي يقول بين 350 الى 500 ريال فا كعادتي اسحب عليهم واقلب البيت ورشة و سميت بالله و بديت بالشغل .
التفكيك اخذ مني ساعة ونص شغل روقان عشان ما اكسر الكلبسات و الحمدلله كسرت 8 كلبسات بس هههههههههه
و بعد ما وصلت للأرضية حصلتها مصدية و حصلت الربلات حقت الارضية مفككة و هي ربلتين ولا وحدة كانت راكبة و هذا الغريب ايش اللي فككها .
===================
المشكلة الثانية و هي اصوات الديكور المزعجة فا رحت للورش و اعطوني الاسعار الخيالية ارخص واحد حصلته 300ريال للديكور كامل يفككه قطعه قطعه و يركبه من جديد . فا العادة رجعت البيت و سميت بالله و بديت التفكيك من 9 الصباح الى 3 العصر شغل روقان مو مستعجل ابدا .


و صلحت كذا سلك كان يحتاج زيادة عزل و وصلت الى ثلاجة البارد وفا قلت دامني فككت انظفها ( من 2003 المكيف بدون فلتر ) و حصلت فيها اوساخ الله يكرمكم و نظفتها و رجعت تمام الحمدلله و ربطت الديكور من اول قطعة تركب الى اخر مسمار يركب و الحمدلله خف الاصوات بنسبة 70% لاني نسيت احط عازل بين الطبلون و القاعدة اللي يلصق فيها عند القزاز الامامي .

النتيجة اللي طلعت فيها :1. اصلاح دخول المويه. 2. تربيط الديكور. 3. تنظيف الثلاجة. 4. توفير مبلغ على الاقل 700 ريال .5. اكتسبت خبرة و اشتغلت بنفسي

صورة الثلاجة بعد التنظيف ما قدرت ارفقها بسبب خلل بالصورة

و اعتذر على قلة الصور و ما نسيت اصور الربلات اللي ركبتها لكن هي نفسها اللي موجودة بشنطة الاكسنت عند كفر الاستبنة لونها اسود و موجود باغلب السيارات السيدان بالشنطة.
اترككم مع الصور ..........


http://d.top4top.net/s_43qyem1.jpg


http://e.top4top.net/s_4325fw2.jpg


http://a.top4top.net/s_43w5wr3.jpg


http://b.top4top.net/s_439wsj4.jpg


http://c.top4top.net/s_433ql65.jpg


http://d.top4top.net/s_43j7md6.jpg


http://b.top4top.net/s_43mehm7.jpg


http://c.top4top.net/s_43oo2k8.jpg


http://d.top4top.net/s_43o88p9.jpg


http://e.top4top.net/s_4370ah10.jpg


http://a.top4top.net/s_4309uf1.jpg


http://b.top4top.net/s_43v55b2.png


http://d.top4top.net/s_43hj5y4.jpg


http://e.top4top.net/s_43vmpr5.jpg


http://a.top4top.net/s_43jece6.jpg


http://b.top4top.net/s_43wsv38.jpeg


http://c.top4top.net/s_43n0759.jpeg


http://d.top4top.net/s_43xn0i10.jpeg


تحياتي لكم///