وعليكم السلام والرحمه..

بالنسبه لسؤالك: هل تستطيع ان تحب شخص من المنتدى // المسن //الفون!!

إذا اتعرفت على شخص من المنتدى أكيد ما بقوله أحبك منه والدرب يعني أكيد بيكون في بينا أخذ وعطاء..
يعني بكون أقرأ ردوده بالمنتدى وبتبين لي لو جزء من شخصيته ويمكن هالشيء يحببني فيه عقبها يمكن نتكلم مسن وبنتم سوالف كأخ وصديق بالنسبه لي واحتمال تستمر هالعلاقه لمدة شهور أو حتى سنة وخلال هالفتره يمكن تكون نتكلم فون بسبب ظروف النت واحتمال ألقاه بالمسن او لا أو يمكن حد منا بيسافر يعني في ظروف وااايد بتخلينا ننتقل للفون لكن أرد أذكر حتى لو اتكلمنا فون بيكون أخ وصديق عزيز علي..
خلال هالفترة كلها أكيد بكون استنتجت وايد أمور عنه يعني بينبان لي منطقه من كلامه وينبان صدق الشخص او كذبه من صوته يعني سواء كلمته منتدى او مسن او فون تراني بعرف اذا هو صادق او لا وياي، ينبان من أسلوبه، وينبان بصوته بعد وينبان من تعامله ويا الناس يوم أكون أنا عالخط وهو يتعامل وياهم، وينبان بعد من بعض الأسئلة الي أنا ممكن أسأله إياه وهو يجاوب عليهم يعني واااايد أمور..

لين هني تراه بعد أخ وصديق عزيز علي، لأني ما بتخذ أي حد صديق بالنسبه لي، ما بقولج إني ما بثق فيك إمبلا بثق فيه بس بحدود وإذا هو صدق صديقي ويخاف علي تراه ما يبتعدى حدوده وياي وبيكون محترم بتعامله أما في حال حسيت إنه يلعب عالحبلين وغرضه شيء ثاني ويتم يفر علي كلمه يمين او يسار او طلب طلبات مب اوكي او قالي كلام مب عدل هني عاد بلوك وديليت وما برد ع اتصالاته يعني أنا أحترمته هو لازم يقدر هالشيء ويعاملني بالمثل..

أما في حال حسيت إني أحبه أو هو يحبني يعني بعد هالفتره كلها حس إنه يبا قربي وقالي أحبج هني عاد بقوله السموحه منك ماقدر أستمر وياك وبدلك ع بيت أهلي، اعترافه بحبه لي بالنسبه لي نهاية علاقة رائعه كانت أخوه أو صداقه أو يمكن بلا مسمى، لا تقوليلي بتم أحبه ويحبني وسهر آخر الليل وسوالف انزين لين متى؟

نو ما يصير دامه قالي أحبج معناته أكيد هو قال ومتأكد منها، ولعلمك أنا من قبل بكون موضحه هالأمر إن وهو مجرد أخوان و ربع وحبايب بس مب حبايب من النوع الي بباله بوضحله إن بحال حاول يفر علي أي كلمه من هالنوع تراها بتكون نهاية علاقتنا..

مثل ما قلت بمدونتي سابقا الحب = زواج

يعني أبا برأيي معليه أكلم شخص ونكون ربع بس لا يتعدى حدوده وياي، وصدقيني إن عاملتيه بالحسنى وكنتي محترمه وياه وينبان معدنج عنده وان الي بينكم مجرد صداقه مب حب وهالسوالف تراه بيحترم هالشيء وفي حال ما قدر على هالشيء وقالج شيء مب أوكي>>> ابتعدي ترى مب لصالحك تدخلين ب(متاهات الحب) إلي ما بييج من وراها إلا (ألم وفراق)..

دامه حبج ويباج وخلاص قدر يعرف إنتي منو طوال هالفتره ومتأكد إنه يحبج من قلبه بيي وبيخطبج لأن خاطره يكمل حياته ويا هالانسانه إلي ارتاحلها وحبها من كل قلبه..

إيه صح في حال إنا الي حبيت هالشخص وخاطري أقوله أحبك تراني ما بقوله لو يستوي إلي يستوي لأني ما ودي أخسره لأن مثل ما قلت اعتراف بالحب يعني فراق لأجل مسمى أي خطبه لهذا بتم ساكته وبكتم بقلبي..

أتمنى يكون جوابي كافي..

والسموحه منج..

أحــاسيـس

:13: