|
غزو للبزارين هههههه،،،،،،،،لا يفوتك ،،،،ابو وليد الحربي السلام عليكم ورحمة الله وبركاته :d جايبلكم اليوم غزو لنا يوم كنّا صغيرين غزوه تخطيط ع التراب بالخشبه لو اشوفه علقتها بالباب اتذكر يوم كنّا صغيرين كنّا مشكلاويه متضارب مع ذَا وذاك مافي احد من الحاره ما ذاق آذانا (مذين من اول) مره الله يذكرها بالخير غزوتنا كانت عن عيال جايين حارتنا جديدين ساكنين وحنا كانت عندنا برحه قدام البيت نلعب بها كوره. وركض وناسه وعندها مسجد قديم ماحد يصلي فيه جنب البرحه المهم جو العيال الجديدين يبون يلعبون ابتلشنا فيهم وش السواة كنّا نلعب بعد المغرب نشعل لنا نار في الزوايا ونلعب الصبح منول حار تلعب دقيقة تجي أمك يطبخون الغدا فوق رأسك من الحرارة جمعت الي حولي وقلتلهم انتبهو اليوم بنلعبهم وبكرا نوريهم شرير بالحيل المهم لعبنا معهم وجا بكره وما لعبنا هذي المره اندسينا فالامسجد ويوم بدو لعبهم وتمطر عليهم حجار كثيرا من كثر مارمينا تشكلت اغادير وسيول حجار ما نرمي حبه حبه نرمي بكل الي باليد المهم وهم عرفو انّ بالمسجد ويتجهون يهمّه حنا أنقذتنا طاقة بالمسجد هجينا منه المهم ونجمع النار الي بازوايا ونحطه فالباب ونرميه من الطاقة حجار وانحبسو ههههههه وقعدو المساكين يردمون النار نصهم يردم ونص مندسين تحت البراميل ويوم خلّصو وطلعو وحنا نهج ويلحقنا واحد منهم سريع ويمسك أصدرنا ونرجع (بدت المعركة) ونمسك ذاك ونلطشه ونروح ور تله صغيره واقوم واقسمهم الصغيرين يجمعون لنا عصي ويحذفون حجار وحنا كنّا عشر والله ونقوم عليهم بالسيوف (الخشب) ونكسرهم وكسرونا وبعدين معاد فينا حيل نص يبكي ونص يسب ونص داجين وأقوم وأمسك كبيرهم وأقوله جمع ربعك ويجمعهم ونتسامح وسوينا معاهده (حلف) وسميناها حلف البرحه وساعدناهم وسوينا ملعب قدام بيتهم وساعدونا في تنظيف الملعب من السيول الحجرية وانتهت قصتنا أتمنى عجبتكم كان معكم ابـو ولـيـد الـحـربـي |
| الساعة الآن 09:07 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir