منتدى استراحات زايد - قصيده اهداء لسيدي صاحب السمو الشيخ محمد بن زايد النهيان حفظه الله

ذاك الـشموخ اللي سما حتى اسر عين البشر،
نـفسه تـرى هـو الشموخ اللي عَلت سنامته
كـل الاراده والـطموح انـه الـى ابـعد نـظر،
يـاصـل مـنـاهي قـمته عـزه تـطاول قـامته
بـس لسبب واحد فقط يفخر على طول الدهر،
لـن ابـوخالد مـعتلي اقـصى شـموخ بهامته
يـرهي على كبد السما يمكن عن النجمه شبر،
كـن الـسحاب بـمرته يـلمس خـيوط عـمامته
بـيـن الـنجوم ومـوقعه مـسافةٍ مـامن ذكـر،
وشـلون والـغيم الـسريع ان مر يلمح شامته
وصـول لـلقمه عـجل شـانه قـبل عـمره كبر،
لـه مـوقعا بـسمه سـما قـدام وقت اقدامته
يـاصرح يـاقلعة فـخر لك نـظرةٍ تـعطي امـر،
تخضع لها روس الصعاب اصعاب تحضع صامته
بـك حـنكةٍ لـبن الـوليد بـهيبة الـراشد عـمر،
بـقـلب طـارق بـن زيـاد بـزيد فـي زعـامته
حـتى الاسـود الـكاسره تدرك مكامين الخطر،
تـخـاف تـبـدي نـابـها حـمزه يـفك ألـثامته
يـانيل يـاذعار الـظمى لك كف في جوده بحر،
لاوالله ان اكـبـر بـحر كـفك يـفوق اكـرامته
جذور بعماق الشرف اشراف من ساس الطهر،
رمــوز تـاريـخ الـعـرب قـاداتـه وعـلامـته
يـاطود يـا اقـدم قـمم لـلمجد واكـبرها عمر،
واقــع قـبل حـلم الـرجال اتـفسره حـلامته
يـاطنخة الـراس الـعنيد بـراس طنخاته سطر،
طـنخات عـنتر والـمهلهل كـلهن فـي هـامته
حـلحيل حـلاّل العسير اللي على غيرك عسر،
لاكلحت عـنه الـشّناب ايـدك تـحل اصـرامته
حـرٍ من احـرارٍ لها فـي قـمة الـشامح وكر،
هـداتها تـحسب لـها طـيور الـفضا لا حـامته
مـاشي يـشبه قـامتك لو شي يشبهك اشتهر،
رقـيت وطـويق الـعرب بـاقي عـلى سلامته
وشلون وانت ابن الكريم اللي همل كفه مطر،
غـمـامة الـمد اسـتحت تـظهر بـعد غـمامته
كـلن بـكى يـوم ارتـحل ولا ضـحك الا الـقبر،
فـرحان فـي زايـد سـكن بـطنه ينير اضلامته
كـتبت يـاشيخ الـشيوخ ابـيات واخـتمها عـذر،
ان الـقـلم بـيدي عـجز حـتى الـدفاتر لامـته
شـاب القصيد ولا قدر يوفي من حقوقك قدر،
والأبـجـديه لأسـمـكم عـلـمي بـها خـدامته
بـس الـوكاد ان الـشموخ الـلي تـعلا يـفتخر،
لــن ابــو خـالد لـلعلا دايـم يـقود ازمـامته