منتدى استراحات زايد - ارائي عن جهاز اومنيا hd + اقتراح + اهم المواضيع اللي تكلمت عن الجهاز

بسم الله الرحمن الرحيم

الجهاز صار له عندي 3 ايام تقريبا ولحد الان ماشغلت عليه الشريحه هههههه

المهم هذي بعض ملاحضاتي عالجهاز تتضمن كل شي عيوب ومزايا :

1 ـ خامة الجهاز وشكله وحجمه رائعه جدا بالذات لمحبي الاجهزه الكبيره وبما اني استخدمت الايفون ارتحت لهذا الجهاز في يدي اكثر من الايفون

2 ـ وضوح الشاشه واستجابتها للمس بصراحه فوق ماكنت متصور بصراحه مايجاريه في الشاشه الا الايفون فقط مع تميز الايفون بالاسكرولينق والملتي تتش وصدقوني ماتفرق كثير باستثناء الاسكرولينق اوقات يفيد بالذات في التصفح

3 ـ البطاريه شحنته اول مااخذته لمدة 8 ساعات تقريبا والان ثلاثه ايام وانا استخدمه استخدام اقل من متوسط مثل نقل اغاني وتصفح الجهاز ومشاهده فديو واستخدام كاميرا لحد الان ماراح منه غير شرطه وحده طبعا اذا اعتبرنا اني ماشغلت الشريحه عليه يعني اشوفها بصراحه مقنعه

3 ـ النظام مستقر وقوي حتي مع فتح اكثر من برنامج واغاني في نفس الوقت ماحسيت الجهاز تآثر وهذا شي تشكر عليه سامسونج بكل صراحه

4 ـ الصوت بعد التعديل بصراحه خطير وفي السماعات احساس ثاني وانا استخدم اذن وحده لان الثانيه تعبانه ههههههه

5 ـ الكاميرا من احلي الكاميرات اللي استخدمتها مع العلم اني مااهوي التصوير بس بجد صرت افتح الكاميرا كثير بالذات الفديو عالي الجوده او الوضوح شي ممتع والتصوير البطيء رهيب

6 - فيه حاجه عجبتني داخل النظام مااعرف اذا هي جديده او لا انك تقدر تسوي باك اب للجهاز علي الذاكره الخارجيه
وتقدر تحدد وقت معين يسوي فيه باك اب باستمرار وبصراحه ماجربتها لكن فكرتها حلوه

7 ـ فيه شي ضايقني وهو تنظيم الملفات احسه صعب اشوي انك تنقل ملف لملف ثاني او مثلا تبي تنقل مجموعة ملفات لملف لازم تنقلها واحد واحد ماعندك خيار انك تختار اللي تبي وبرضه حتي في الرسايل مثلا ماتقدر تختار اش الاشياء اللي تبي تحذفها لازم تختارها كلها

8 ـ الويدجيتس بصراحه ماحسيتها مفيده واشوفها منظر اكثر من انها شي مفيد في الجهاز

9 ـ اذا كان عندك اكثر من برنامج مفتوح وتبي تقفلهم تضغط علي زر المنيو ضغطه طويله لحد ماتفتح المشكله هنا ان مافيه خيار تقفل منه البرنامج علي طول لازم تدخل البرنامج وتقفله اشوفها شي مزعج خصوصا اني قريت في المنيو حق الجهاز انه فيه علامة اكس تقفل منها البرنامج لكن مالقيتها

10 ـ الجهاز غير مدعوم نهائيا من سامسونج تدخل الموقع الرسمي ماتلاقي فيه شي تلف المواقع الاجنبيه ماتلاقي فيها شي كل اللي عملوه انهم نزل تحديث ايطالي والبقيه لهم الله يعني حرام جهاز مثل هذا ماله دعم وهذا الفرق اللي تميزت فيه نوكيا اجهزتها مدعومه بقوه يمكن لان الجهاز لسه جديد بس لو فيه دعم المفروض يكون من صدور الجهاز موجود

11 - بما ان الجهاز نظامه نفس نظام نوكيا 5800 و n97 توقعت ان معظم البرامج والالعاب تنزل عليه لكن للاسف وجدت العكس حتي برنامج القران والاذكار مع العلم انه لايحتاج شهاده ولا شي وصيغته sis مع ذلك مو راضي يتثبت ويقول الجهاز غير مدعوم وكثير من البرامج والالعاب تحتاج لشهاده او كسر حمايه

12 ـ للمهتمين بالاوفيس عالجهاز الاوفيس المرفق للقرائه فقط ولازم تشتريه عشان تقدر تعدل او تسوي ملف جديد

13 ـ في اشياء مثل الجي بي اس والوسائط والفديو كول ماجربتها بالنسبه للجي بي اس ماعرفت له لان مالقيت موضوع منظم يتكلم عنه ويسرح كيف طريقة تركيب الخرائط والبرنامج

اقتراحي كالتالي

ياليت يكون فيه موضوع منظم للجهاز او يكون فيه قسم خاص له يتناول كل شي عنه بما فيه البرامج والالعاب والشهاده والمشاكل وحلولها اللي ممكن نواجه او واجهها احد الاعضاء

يعني مو معقول موضوع يتكلم عن مقارنة الجهاز بجهاز اخر تلاقي داخله مشاكل وحلول بالذات لما تكون الردود طويله اوقات يكون فيه حل لمشكله داخل ردود في موضوع غلط مايتكلم عن المشكله

هذه بعض المواضيع المفيده للي تكلمت عن الجهاز واللي قدرت استفيد منها:

طريقة رفع الصوت

http://www.mobile4arab.com/vb/showthread.php?t=688822

عمل الفورمات للجهاز وهو مغلق

http://www.mobile4arab.com/vb/showthread.php?t=688392

بعض المشاكل والحلول

http://www.mobile4arab.com/vb/showthread.php?t=689301

بعض الاكواد السريه للجهاز

http://www.mobile4arab.com/vb/showthread.php?t=688291

باك اب كامل لملفات الجهاز الاصليه

http://www.mobile4arab.com/vb/showthread.php?t=688546

التحديثات الجديده للجهاز

http://www.mobile4arab.com/vb/showthread.php?t=687930

الفيرموير العربي للجهاز

http://www.mobile4arab.com/vb/showthread.php?t=687660

هذا رد لاحد الاخوان

اقتباس:
المشاركة الأصلية كتبت بواسطة micnatry (المشاركة 4948738)
هذه العاب خفيفة من ال OVI من تحولي لها لل SIS
الله يعطي الاخ GoKu الف عافية على طريقة تحويلها

http://www.zshare.net/download/6329478421762d9f/

ختاما الموضوع جهد شخصي وعلي عجاله عشان كذا اعذرونا علي سوء التنظيم وقلة التنسيق

وياليت نشوف مواضيع في اقرب وقت تليق اكثر بهذا الجهاز الجبار

تحياتي للجميع