منتدى استراحات زايد - الذيب كانه ذيب يدرع فالذياب /// صفوة قصيد البارحة لبن فطيس

البارحة حضر الشاعر اللي اسر قلوب الملايين بخلقة وجزالة معانية واضاف الى رصيده نقطة ساطعة في سماء مملكة الشعر
انه الشاعر محمد بن فطيس المري

العام أخذت البيرق وصـدت العقـاب
يوم الرجال حلوقها مـن دون ريـق
أسرجت شعري والجماهير الزهـاب
و اسنادي بلاد وولـد عـم وصديـق
وحولت في الوادي وهو دونه ضباب
مدري وراء الوادي مطر وإلا حريـق
كم فارسٍ وده يحـوّل غيـر هـاب
يستوحش الماخوذ لا شاف المضيق
أقدمت والفرسـان ترتـاب وتهـاب
أجـري الهيـّاب وأقـز الطـريـق
ومثلـت داري بالقصيـد وبالجنـاب
من الشمال إلى العديد إلى العريـق
ترابهـا بالحـس ما حسـه تــراب
وحزومها تسوى الزمـرد والعقيـق
ومثلت راية من تلين لـه الرقـاب
صليب راي وكفو وحجاجـه طليـق
ممشاه للعليـا ذهـاب بـلا إيـاب
الشيخ ابو مشعل حمد علـمٍ دقيـق
ومثلت كل الشعب من شايب وشـاب
بدو وحضر تاريخنـا عـزٍ عريـق
ومثلت ربعٍ في الوغا مخلب ونـاب
مريـةٍ تاريخنـا مـاهـو لفـيـق
حن مزبن اللي لا يجـار ولا يثـاب
وحن فزعة اللي ذودهم راحت وثيق
أقدامنـا جبـال وعمايمنـا السحـاب
وأمجادنا تشبه سهيـلٍ لهـا بريـق
ومثلـت يـام بكبرهـا والإنتسـاب
إلـى بني همـدان نجـمٍ لـه شعـيـق
الله خلقنـا سيـلٍ متونـه هضـاب
كل السـدود نحطهـا حـبٍ دقيـق
شاركت متوكل على منشي الحقـاب
وحزامي من الشعر والعـدّه يضيـق
وطرقت بيبان القوافـي بـاب بـاب
وقدمت ماشفتوا جميـع إنـه يليـق
وحشمت أذانيكم عن سقاط الخطـاب
ورقيت بإيديكم علـى قمـة طويـق
و وعدت داري بالفخر قبـل الكتـاب
ووفيت بأمـر الله بالعهـد الوثيـق
وسترت بأفعالي مزينـة الخضـاب
وقهرت عدواني ونومسـت الرفيـق
ولطم بعيري شوط واحـد للركـاب
يقوم راس وينتهـي ماهـو زريـق
ومن كف أبو خالد تسلمت النصـاب
من كف من عينه على القمه تويـق
شيخٍ يروم المجد ويـروم الصعـاب
خلا الشعر من نومة الغفلـه يفيـق
واليوم لا والله شفت القـاف شـاب
صار الشعر كوره وكلٍ لـه فريـق
وضاع الهدد بين الحديـه والغـراب
وضاع الصهيل مكرمين من النهيـق
إلا الرجال اللـي قصايدهـم عـذاب
اللي لها معنى بهـا حـسٍ رقيـق
لاتشعل الفتنـه ولا تطـرد سـراب
ولا ترقـع مـا نقصهـا بالزعيـق
بس العرب ما عاد تدري بالصـواب
ما ميزوا ويش الزفير من الشهيـق
من جاب ضيعه قال شوفوا ويش جاب
انا أشهد إنه جاب له معنى عميـق
الذيب كانـه ذيـب يـدرع فالذيـاب
يخلـي الخرفـان للضبـع العويـق
ماجيت أنافس جيت دعـمٍ للشبـاب
وفوزي دمه عاده على القمه يريـق