|
لكل فتاه تتعرض للإبتزاز او التهديد او أي مشكله صعبه ،، خدمه الأمين .. ؟ السلام عليكم ورحمة الله وبركاتة طبعا زادت عدد المشاكل الي تتعرض لهالبنات من ابتزاز وتهديد من شباب خياس أنذال يبون يستغلون ضعف وخوف البنات بنشر صور او ارقام او فضحهن طبعا انا مابدخل في الأسباب والتفاصيل لاني عدت وزدت في هالسالفه وااايد ولاحياه لمن تنادي دام في بنات وشباب ونت ومصخره وجات ومولات لااازم تصير هالمصايب وارد الاقي بنات يشتكون بان الريال يبا يفضحها او ينشر صورها الخ الحل مب بالخوف والمسايره بالكلام والرضوخ لهم لأن هالشي مابيضر غيركن وهو بيتم يطلب ويطلب لين يطيح الفاس بالراس وتخسرين كل شي !! ببساطه هالرقم لخدمه الأمين تكفل لكم المساعده مع السريه التااااامه يعني لاتخافين محد بيعرف بالسالفه غيرج وهم فأي بنت تتعرض لمشاكل من هالنوع او غيرها من المشاكل الاجتماعيه الصعبه والحساسه او حتى شباب ليش لأ ؟؟ انصحهن تتصل او تطرش مسج لهالخدمه الي وجدت لكم ولخدمتكم طبعا لامعلومات شخصيه بتنتشر ولا غيره والحل بيكون بكل سريه وبعيد عن المشاكل والتشهير هذا هو رابط موقعهم http://www.alameen.ae/arabic/whoweare_ar.aspx معلومات الإتصال الرقم المجاني : 8004888 الرسائل النصية القصيرة (SMS) 4444 الفاكس : 2097777-04 البريد الالكتروني : البريد موجود في الموقع نفسه بس ماروم انزله هنيه لانه ممنوع فالمنتدى أحب انبه ان هالخدمه مختصه بإماره دبي فقط واذا لقيت خدمه أخرى للإمارات الأخرى راح احطها اهنيه وياليت اي عضو عنده شي يفيدنا بعد يحطه اهنيه الله يبعد اليميع عن المشاكل إن شاء الله :) و ارجوا التثبيت .. م. ن . ق . و . ل |
الله يهدي البنآتْ والشبآبْ يعطيجْ آلفْ عآفيه ختيه ْع الموضوعْ لآهنتــيْ . . . { * |
يزاج الله الف خير ...خيتووووو بارك الله فيج.... |
تسلمين يالغاليه ! وإن شالله خير .., |
الله يسلمكم تسلمون خوااتي عالمرور .. و آميــن يا ربي .. |
| الساعة الآن 12:11 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir