مساكم وصبحكم الله بالخير جميع ,,

السياره / جيب لاندروفر ديسكفري .
الموديل / 1998 م مفحوص ومجدد والفحص ينتهي بعد شهرين في شهر شوال .
عداد السيارة / 218289 كيلو من تاريخ كتابة الموضوع.
لون السيارة / أبيض .
داخل السياره بيج .
باب واحد + 3 مقاعد في الخلف + مقعدين متقابلين في الأخير .
ديكور السياره الداخلي أعطية من النظافه تقريباً 85 % .
مسجل سي دي معاه ريموت- ماركة جي في سي جديد بضمانه وبكرتونة بس يبيلك تركبه زين :)
المراتب نظيفه جداً جداً .
القير : عادي - الدبل : دبل خفيف ووسط وثقيل + ديف لوك .
درايش كهرب + ريموت للسياره على ماأعتقد أنه من الوكالة .
8 سلندر .
عدة السيارة كاملة بمافيها السحاب للمرتبة الأخيرة " الشنطة "
دعامة في مقدمة الموتر

السياره على ماأعتقد شاريها في شهر 11 الماضي وبحكم وجود بعض الأقارب يمتلكون اللاندروفر نفس هذا الشكل وبنصيحه منهم .

اللاند روفر فيه ورش متخصصه له موجوده عند مدخل الدرعية وعلى مااعتقد فيه ورشة في الصناعية القديمة .
أستخدم ينزين 91 وتقريباً الفل 38 ريال ويمشي فوق الأربعمية تقريباً .
الكفرات تعبانة جداً وتحتاج تغيير بمافيها الأستبنة , حالياً أستخدم كفر واحد أقل من مقاسات باقي الكفرات .
الموتر شريته من معارض الشفا وفحصته عند ورشة السلام , وعلى فحصه يقول المكينه 100 % .
مشكلة الموتر كانت قبل فتره في علبة وأصلاح الكلتش وهذي غيرتها ومشى معي كويس .
الموتر يحتاج بعض الأمور البسيطه وبالتحديد السيور + النور ومثل ماذكرت الكفرات .
البودي بصراحه ماسألت عنه لكن مالاحظت عليه شي .
مقعد الموتر مريح جداً , ولاتنسى أنه 8 سلندر يعني لاتسأل عن قوتها خبرك هالبريطانيين :D
مكيف الجيب جيد جداً .
فيه رجه في الموتر اذا وصلت لسرعة 80 كانت موجودة قبل وعملت لها ترصيص وخفت شوي !! ولازالت الرجه موجوده , لعل أهل الخبره يفتونا فيها هل هي من الكفرات ؟
أهم ملاحظة عندي اللي ناوي الموتر ياخذه ويفصحه بالكامل علشان أبري ذمتي قدام رب العالمين .

# في حالة الموتر ماجاب السومه اللي مخطط لها لعلنا نستفيد منه في ربيع هالسنه :)
اي سؤال أنا في الخدمه , ولايمنع على الخاص .
الموقع / شمال الرياض .