تجاربكم وخبراتكم بخصوص السليب باق
 

السلام عليكم ورحمه الله وبركاته

ياجماعه الخير انا معي فراش الصحراء
فراش جميل ودافي ومافيه كلام
كرف معي 7سنوات
ماشاء الله
الصراحه لايعلي عليه ولاكن عيبه شي واحد
كبر حجمه اذا طويته
كني شايل معي نعيمي في شنطه الجيب

فا بعد الكرف لهاذا الفراش الجميل قررت اعتقه لوجه الله
واشتري فراش جديد
ولاكن بعد البحث والتحري داربي راسي
وضاعت علومي
ياجماعه اسعار الفرش ارتفعت بشكل خيالي
الي كان ب400قبل سبع سنوات الان صار ب600
والصراحه انا مافي امل اشتري فراش باكثر من 400ريال
لان معي خيمه مبيت واي فراش بيقوم بالواجب
ولاكن من باب الحتياط بشتري شي متوسط بحدود400

من واقع تجاربكم وخبراتكم ابي تشورون علي
وش رايكم وش اختار
وياليت تذكرون لي محلات البيع مع الراي
وشكرا جزيلا يالشيوخ