منتدى استراحات زايد - ارجو عدم وضع احداثيات الفياض والروضات بسبب...

السلام عليكم ورحمة الله وبركاته ،،، وبعد

يا اخواني لا تشرهون علي لو اطلب منكم لاعاد تحطون وصف واحداثيات الفياض والروضات وذلك بسبب شي واحد ( النفايات ) اعزكم الله اللي يتركونها بعض الكشاته وراهم ، يوم الجمعه اللي فات طلعت التنهات وجا بعدي مجموعة عوائل يعرفون بعض والله كان المكان ولا احلى منه يوم راحو يمين الله خلو المكان الزريبه انظف منه ولا تواخذوني على هالكلام ، مافيه حل الروضات والفياض صارت بدل ماهي متنفس ومكان جميل تحولت مكب نفايات ، يجب وضع عقوبه رادعه على الاقل المجاهدين المتمركزين مثلا في روضة التنهات يصير لهم دوريه جواله بين المتنزهين ويحاسبونهم على النفايات اما غرامه او رفع القمامه او ترك المكان زي الدول برا. هذا احببت المشاركه فيه من القهر والمناظر اللي اشوفها وبيئتنا والحياه الفطريه اللي من سيئ الى اسوء.