صدري غدا من جلسة المدن ضايق=لاكن في وسطه مرامى تفافيق
مابينهم جال ٍ ولابه عوايق=والعيب يلحق من غدوا به مدانيق
مما تزاحم فيه جبت الحقايق=مفادها لطيور شلوى المطاليق
المدح في من مثلهم حيل لايق=وبيوت شعري تعتدل والطواريق
سلام مني ماحكا فيه مايق=احلى من السكر على فكة الريق
واعطر من اللي فجة الصبح فايق=زهور روض ٍ قوّمتها الزماليق
ومني كلام بمدرجات الوثايق=متى نشد ويمة الدرب تشريق
من فوق جيبٍ وسط جوفه حرايق=مشيه متاع الراس مافيه تعويق
الظهر ممشانا بعدل الطرايق=وقبل غياب الشمس في ديرة طويق
ونعدل مساره للدروب العمايق=على حرض ايمن من الدرب لبقيق
والصبح بديار زايد حقايق=نرتاح بس شوي ونفز ونفيق
ونسري هكا الليلة حيل ٍ شفايق=نبي نشوف ظفار صدق وتوثيق
دار بها الاسبوع عدّه دقايق=فيها السعادة والغثا مابه يويق
حديقة ٍ ماهي بمثل الحدايق=اللي خلقها الله وحنا عشاشيق
صلاله توضّح فرق الشقايق=ديره فرقها الله رب المخاليق