الله يرحمك يا أبونا زايد
 

في يوم الثلاثاء شر الخبر تم ينذاع كل يبلغ صاحبه والكل مذهول

كن السهام اتمركزت وسط الأضلاع ومن وقع الخبر صار الفكر مشلول

حاولت أوصل بالجدال حد الأقناع أنفي الخبر وأصرخ هذا الخبر غير معقول

مسكين وجهي مالحق لبس القناع وصار الخبر بين الناس مذيوع

خبر وفاتك يا ابن الإسلام غصب ينطاع حكم القدر واليد مالها حول

والخاتمة أرفع يدي والقلب ملتاع ولادمع سايل والوجه منه مبلول

أطلب لك الرحمة ماصلى كل مسلم وطاع يارب تغفر له ذنبه بالعرض والطول



الله يرحمك يا بويه زايــــــــــــــــــــــــــــــــــــــــــــد وسموحه

[align=center]بيض الله وجهج على هالموضوع الطيب

ومفاده كله حسره وشوق وحنين

الله يسكنه فسيح جناته يارب العالمين

ولدي مشاركه ويارين لطفا وليس أمرا تخلين موضوعك جمع قصائد الوالد الزاهد العابد الشيخ زايد طيب الله ثراه ولج الاجر فيه وهذا مجرد رأي لك حرية أنشاءه من عدمه


عامتا بحوزتي قصيده بس والله ماذكر منو قايلها بس كلماتها رائعه في رثاء زايد الخير [/align]



[frame="4 80"]وقف نبض المسا فجأة وفجأة كل شي مهمـوم= ومن وقع الخبر صارت تنكس نفسها الأعـلام

رحل زايد رحل والليل يتسـاءل بعـد هاليـوم = صباحج كيف يا بـلادن شعبهـا كلهـم أيتـام

ترجل فارس الأمة قدر وأمـر القـدر محتـوم = ترجل من على خيله وصاحت أمـة الإسـلام

رحل وانجازه الأكبر بلادن مـا بهـا مظلـوم = حكمها الفارس القايد ومـات الفـارس المقـدام

سمعتك يا الخبر وأمري ما بين مصدق وموهوم = وأمشي خطوة مصدق وخطوة تشبـه الأوهـام

ويسري شي في دمي كأني بالحـزن مسمـوم = وأشوف الناس من حولي وجـوهٍ تشيـه الآلام

أشوف رجال مااكبرها بكت كنها طفل محروم = وأنا يا دوبي مصـدق واقـول الله يـا الايـام

خذيتي زايد وكنك خذيتي مـن مسانـا النـوم = ولكن حكمتك ربـي وحكمـك سيـد الأحكـام

رحل واحد نعم واحـد ولكنـه يسـاوي قـوم = رحل بس بعد ما حقق طموح الشعب والأحـلام

فمان الله يا زايد كثـر مـا هالخبـر مشـؤوم = فمان الله يا الوالد كثر خيـرك فـي هالأعـوام

كثر حزني وانا اشوفك تروح وموكبك مزحوم = كثر ما نظرة محمد بهـا غبنـا ومـا تنـلام

كثر ما صورتك بكت عيون الناس ياالمرحـوم = أبدعيلـك فمـان الله وبراحـة عسـاك تنـام[/frame]


[align=center]اهداء خـــاص

من تصميمي للشيخ زايد بن سلطان طيب الله ثراه

فوالله حاس بما تعانينه قدر الله وما شاء فعل


YouTube - ط¯ط¹ط§ط، ظ„ظ„ط´ظٹط® ط²ط§ظٹط¯ ط¨ظ† ط³ظ„ط·ط§ظ† ط£ظ„ ظ†ظ‡ظٹط§ظ† ط·ظٹط¨ ط§ظ„ظ„ظ‡ ط«ط±ط§ظ‡



ولو الرابط ماعمل معاك بامكانك سماع الدعاء بأسفل توقيعي اضغطي على الاهداء

وتستاهلين التقييم انتي وموضوعك عشان هالبادره الطيبه شيمه وحشيمه لذكرى صاحبها

تقبلي مروري والف شكر لج اختي
[/align]

--{ محجـوز لي عوده .~