منتدى استراحات زايد - ارجو المساعده ...قير الجمس ماعشق

السلام عليكم ورحمه الله وبركاته

اخواني اعضاء مكشات

مساكم الله بالخير

عندي جمس سوبر بان ( سيارة لعائله) موديل 95 مكينه 350

كان معي زي الحلاوه ممتاز ولا فيه اي شي وكنت مسافر بالعائله من الطائف الى الرياض
وطول المسافه مثبت السرعه علا 120 ومستانسين ومبسوطين

المهم اقبلنا علا نقطه تفتيش فكيت مثبت السرعه وهديت السياره الى ان وصلت الى نقطة التفتيش
شافنا العكسري عائله وماقصر مشنا

المهم يوم دعست بنزين الا واحس السياره تبي تنقز من مكانها حسيت ان في احد صدمنى من ورى وشوى الا يوم ولعت لمبة المكينه البرتقاليه الي بالطبلون واول مرة تولع من شريت السياره ما ولعت

وقفت جنب مكنيكي وقالي ممكن طرنبة المويه المهم مشيت عليه الى ان وصلت الى الرياض وانا حاط يدي على قلبي واقول الله يستر لا تتعطل السياره وانا بالعائله وباليل مشكله

المهم وصلت للرياض ووقفت عن اشاره ولعت الاشاره خضراء ومشيت الا والموتر ما يعش الا بالاول فقط فقط
وش رايكم يااخون ووش المشكله هو اكيد ان المشكله القير ما فيه كلام بس وش رايكم كهربا والا تخبيط والا في مهندس كمبيوتر بالرياض ممكن يفيدنا

تكفون يااخوان الفزعه صدري وصدر العائله ضااااايق يوم جاء الصيف والسفر والوناسه خرب الموتر