ياليل ياضو القمر ياهواء النود ، عقاب التميمي
 

ياليل ياضو القمر ياهواء النود
وش هقوتك بالي مع اليل سهران

طاح الحيا وستبشرو ونثناء العود
قلت ارتواء العود وحياء كل ضميان

وثر الضماء فالعرق لازال موجود
ولازال حر الكنه يعم الاوطان

ان قلت فالاجواد باقي من الجود
فالجود موجودن مع الانس والجان

الجود يافالنقص يكمن يالفزود
من زاد جوده نقص ينقص فالوزان

ومن زاد جوده ماعلى لحيته زود
يحسب مع الاجواد وطوال الايمان

ون قلت مافالحض يالحض مقرود
الحض يمكن مايجي بشف الانسان

شف عاد والي سوته بالنبي هود
من رفضهم للبعث في تال الازمان

سبعة ليالي وربعه وربعه زود
من فوقهم ريحن بمر علي الشان

رب البشر سبحانه امبيض السود
لضاق من يعبده لو كان ماكان

يفرج هموم العبد لاصار مضهود
ويشفيه من باسن طغا وهد الابدان

هاذا زمانن فيه من ساد ميهود
مايستريح الريح في ريح ريحان

وقت الرخاء ياللاش منته بمحمود
لو تردف اصحون الكرم حايل الضان

ولو تارد لعدن به الجم قرهود
فالعسر دلوك مارتواء منه عطشان

ان صار فعل الرجل ماهو بمشهود
يالعنبو من طاب زورن وبهتان

عند الرخا ماني مع الناس موجود
وعند الشدايد وقفتي عزها شان

الطيب الطيب مضراء على الكود
ياصل تهاتيهن بهاء الذيب جيعان

والهين اهوين ولاهو بمفقود
ان حضر ولاغاب فالذكر نقصان

من يجتهد يحسبله الفعل مجهود
لو مالقاء فمجاهد الفعل برهان

لاكن على من يرغب العالي سنود
لاينحدر من ينحدر نفسه اتهان

ريع الندامه دربه اليوم مسدود
خلك على ماقيل حبه ونيشان