مشكلتي مع الvx.r 2003
 

السلام عليكم ورحمة الله وبركاته ... اسعد الله اوقاتكم بكل خير

يالربع انا معي vx.r 2003 خلفية لكزس ومعروف عنه انه قريب من الارض وهذي المشكلة كنت اواجها كثير من ناحية ان الاستبنه تحك او الموتر يعلق علطول يعني مقارنة بانواع الجيوب الثانية يعتبر نازل جدا .... دورت حلول لها وقريت عنها الي يقول ركب كعكات وبعضهم يقول ركب يايات استرالية ....

وفيه كم واحد مدح لي الكعكات الالمنيوم ورحت ركبتها علطول ركبت كعكات 3 سانتي الصراحة الموتر بعد الكعكات عجبني ارتفاعة وانا اشوف انها حل ممتاااز جدا للي يبي يرفعه بس المشكلة اني كل ما حملت شيء نزل الموتر وانا راعي تحميل الصراحة والمشكلة الثانية ان الموتر لين وانا ودي انه ايبس من الوكالة بشوي....

فكرت باليايات والمساعدات الاستراليةحقت الرماية وناس واجد مدحوها لي بس الكلام بتخلي الموتر يابس مره ولا ما يفرق الا شيء بسيط عن الوكالة وانا راعي بر والموتر يركبون معي اهلي فيه فما ودي يكون يابس عليهم يعني ابي الفرق يكون بسيط وما ينزل اذا ركب احد معي وحملت اغراض .

يعني ابي افضل مساعدات ويايات استرالية تفيدني بالمشكلة هذي وبالصورة الي انا ابيها تنصحوني بحقت الرماية او اذا فيه انواع ثانية يا ليت تعطوني فكره عنها ...

اعتذر عن الاطالة

محبكم / ابو عماد :)