منتدى استراحات زايد - كلن معه شيطان دايم يشيره.

سلام مني ياسع البحر والبر
هديتن مني لصافي السريره

يخصني بالشعروالصدرمستر
والله يعطينا من الفضل خيره

يجبر بخاطر واحدن قد تكسر
وده ووده ينشده من كسيره

والهم في صدري وودي افسر
واخاف لا ابين علومن خطيره

واخاف من طبعن لغيره تمصخر
واقوم من كسري واحدد مصيره

مثلك بهاذا الكون ياخوك يندر
يالله بظلمة ليل دربه تنيره

تعبت انا ياخوك مالفر والكر
وانا بسيط الحال صافي سريره

قد كان لي قلبن يسمونه اخضر
وجتني علومن يبست لي خضيره

في كل يومن ينكتب الف محظر
هاذا وذاك وذيك تلهب سعيره

كلن يشب الناربخضر وبسمر
وكلن معه شيطان دايم يشيره

ابعد واجنب عن دروبه الى مر
الله امر قتل الكلاب السعيره

واليوم عايش حر فالبحر والبر
وللا شبيه الصقر لعلن مطيره

ومعاد لي شفن مع ابيض ولا اشقر
مثله مثل امه وعمه وغيره

من شاف وجهي بعد ما طس منور
واللي عرفني عارفن وش منيره

ظرفي نقلته مثل ماهو مصور
خيره وخيره ثم مليون خيره

ابو البر / مكشات