جايكم شكاي و محبط شباب الشرقيه
 

السلام عليكم شباب
كيف حالكم و عساكم طيبين و بكل خير

راح اسرد لكم شي احبطني صراحه

من بداية الاجازه للحج و يعد تركي للصيد قرابة 4 سنوات
يتخللها طلعت بسيطه جدا لاكن غير رسميه

بحكم اني دخل الجامعه بجده و انا من اهل الدمام اتكيسل اطلع اصيد في الدمام لاكن هالمره احببت ان استرجع ذكريات الصيد

سابقا قبل 2012 كانت طلعاتنا في الدمام طلعات حلوه نطلع عند ليالينا مثلا و نرجع بكميه حلوه و ترضينا من القرقفان ووووو إلخ من الطلعات

لاكن في هذي الاجازه مابقت مكان في الدمام ماجربت فيها
1-ليالينا قبل المطعم و بعد
2-القطيف في اماكن متفرقه ماعرفها بحكم اني لم اكن القائد.
3-المرجان بشتى اماكنها
4-الجيبل في الفناتير خلف ستيك هاوس
5-مكانين وحده ماعرفها كنا ضايعين و حطينا الرحال فيها بالقرب من جزيرة ابو علي
6-جزيرة ابو علي
7-الواجه البحريه بالدمام اماكن متفرقه
مجموعتنا متكونه من 5 صنانير
الطعم
1-خثاق
2-ربيان
3-خبز ملوح. مره واحده
4-سمك صغير ناسي اسمه في الجبيل فقط

تحملوني شويه بس مقهور

الرزق على الله و نعم بالله
الحمدلله

في جميع طلعاتنا مانطلع الا بسمك لا يتعدى عدد الاصابع مقارنه بالوقت و الجهد

طيب عزيزي يمكن تسئلتي انت تطلع بأوقات جزر

كنت ادخل مواقع و اطلع بأفضل اوقات المد
سؤالي هل تغير الصيد عن السابق بقلة وفرته !
ام بسبب الدفن اللي قريب من خفر السواحل بالدمام

اتمنى نصايحكم او اي شي يفيدني خصوصا اني لست جديد على الصيد بالدمام لذالك انا متعجب و مندهش من الحاصل لي اتوقع حتى الصبر مل منا خخخخخ


اسف ع الازعاج و اشكركم جميعا
ِ