منتدى استراحات زايد - ●•●( الساحره طوقا ضو .. قصه من التراث الاماراتي )●•●

السلام عليكم ورحمة الله وبركاته ::

اليوم بنزل لك قصه لساحره اسمهاا (( طوقاا ضو )) ..

القصه من كلام يدودناا .... ..

يوم من الايام كانت هذي الساحره تدور أكل لصغارها .. أكيد بيكون المكان خلااا محد فيه او مكان تستقر فيه الساحره يعني مهجور .. وفي ذاك الوقت كان هناك ولد وبنت هم اخوان يحوطون في ذيج البقعه .. شافوا الساحره طوقاا ضوو تحووط خافوا واكيد بيخافون من اول ما يشوفونها .. اندسوا مكان عشان ما تشوفوهم الساحره .. وبعدها ردت الساحره عند يهالهاا ( صغارها ) وتمت تطعمهم .. وعندهاا يهال يعني في سن انهم يرضعوون .. ويوم كانت ترضع عيالهاا الولد والبنت يريدون يطلعون من المكان اللي مندسين فيه ... قالت البنت حق اخوهاا .. الحين هيه راقد وترضع عيالهاا انروح نمشي شوي شوي ونرضع ويا عيالها لانه لو رضعنا منهاا ما بتقول لنا شي ولا بتاكلنا .... راحوا الولد والبنت .. مشوا شوي شوي وبعدها وصلوا عدال صغارهاا وهيه ما نتبهت رضعوا منها .. بعد ما انتبهت اندهشت من هالشي .. لكنهاا صدق ماقالت لهم شي واعتبرتهم مثل عيالهاا .. وفجأه :: صب عليهم المطر .. يعني بشكل فضيع حتى يقولون الوادي يراا من كثر المطر .. المهم .. البنت والولد انتهزوا الفرصه .. كل شوي يقولون ::

عمتي :: (( طوقا ضو )) بشلناا الوادي الحقي .. راحت سدت الوادي ..بحصاه كبيره ..

راح الولد والبنت قرب الوادي .. يطلع الولد يزقرهاا عمتي :: الوادي بيشل اختي .. تقوم وتشل البنت من نص الوادي ..

اخر مره قالولهاا عمتي :: الوادي واايد قوي بيشلناا نحن وعيالج وبعد هوو اقوى منج ..

قامت الساحره طوقا ضوو :: ويلست في نص الوادي عشان تبرز انهاا هيه الاقوى . وبعدهاا شلهاا الوادي ولا ردت ..

شرد الولد واخته منهااا .. هههههه .. أذكياء ..

والسموحه ::