صوت الشوازن في صباح الجمعه
 

هاذي الابيات كتبتها وانا طالع للبر الفجر وكان حولي ناس مادري وش عندهم يرمون بشوزن ضنتي يطردون صيد المهم مالكم بالطويله

اقول

صوت الشوازن في صباح الجمعه
مثل الهموم بداخلي تكويني
في حزةً والشمس مثل الشمعه
وانا على المركى واجر ونيني
مايذبح الرجال غير الطمعه
والى القناعه كنز مايخفيني
ثلاث حاجاتن تجيب الرمعه
الفقر والحاجه وكثر الديني
والي يخاوي خايبين السمعه
حاله مع اظروف الزمان يشيني
والي مع الرحمن راعي دمعه
عز الله انه فاز ب الثنتيني
دنيا فنيه واخره مجتمعه
واخير من كامل كنوز الصيني

وسلامتكم جميع ، والمعذره القصيده جات من دون توقيت