|
ليت في الدنيا مثل قاضي عياض +++ كان ولد اللاش ما يلقى عويض بسم الله الرحمن الرحيم بيخفاض و بيخفاض وبيخفاض ........................... الشمال بروقها عيت تنيض هاض شعري ثم صيًف يوم هاض ..................... مابقي في المحبره غير النفيض لي سنين(ن) ما توطيت الفياض .................... يوم كلٍ (ن) بالغضا ضوه تفيض سامح (ن) في خاطري والكيل فاض .......................... في زمان فات ما والله يفيض ليت في الدنيا مثل قاضي عياض ..................... كان ولد اللاش ما يلقى عويض يوم فرخ الديك قوقا ثم باض .................... والدجاجه مالها في الحوض بيض والغراب بمشيته وسط الرياض ......................... كنه القمري وهو توًه غضيض يانديبي قم وعجل بالنهاض ...................... خبًر اللي ما درى ان الوقت قيض قلًه اشلح جبتك والبس بياض ................... واوعضه كانه تسمًع للوعيض سرًبت عينه وتو الصبح فاض ......................... ما بقى للقايله غير الوميض متعب(ن)نفسه دوام(ن) في ركاض ....................... يحسب الدنيا يفيد بها الركيض صارت عيونه محاجرها بياض ......................... ثوب يوسف ما يرده للوميض افزعو له بالمدد ياهل الرياض ..................... ما بقى في المزوده غير النقيض كل نبت(ن) في مقابيله غضاض .......................... والطيور بوقتها دايم تهيض اعذروني كان في هرجي غضاض ................... ساقني وقتي على جال الحضيض شعري اللي ما يجي عقب المخاض .................... جيًته سهله وهو خطر(ن) يفيض نبع ماء نفسي عن المدلين غاض ........................ عقب ماهو من زرانيقه يفيض شاب قافي يوم شين الشعر فاض ............ من بعض ناس(ن) لها شعر(ن) مريض ياعسى ربي علي اليوم راض ......................... مبتغاي ولا لغيره من عويض آل- بوهلال التميمي (ابوراكان) |
| الساعة الآن 03:39 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir