السلام عليكم ورحمة الله وبركاته
بسم الله الرحمن الرحيم
الحمد لله رب العالمين وحده
والصلاة والسلام على نبينا محمد
المشكلة يارجال النمل الأحمر الصغير أو مايسمى بالذر بهذلنا في عيشتنا وبيتنا وجننا نحط الخبز في كيسه نلقاه داخل عليه نظطر نرميه ، الزبايل آكرمكم الله نلقاه ماليها على أكياس كيك لوزين ولا غيره كيك لوزين وهو مقفل يدخل عليه ونلقاه داخل الكيكه الأندومي يدخله وهو مقفل كل شي يدخله ولو في كيس مربوط أو مقفل بقفل المصنع كرهنا في عيشتنا بهذلنا أغراض كثيرة من الأطعمة نظطر نرميها ولا نبخها وهي جديدة في أكياسها ، المواعين والمطبخ والقدور نظطر نبخ الفليت عليها ولاحولها عشان نكافحه بيتنا ومطبخنا صار كله سموم من البفباف والفليت والمواعين كذلك ودروج المطبخ والفرن وغيره ماخلا لنا دبره وحيله الله يهلكه وينتقم منه ويفنيه من الأرض ، من حقدي عليه وقلت الدبرة وقلة حيلتي معه صرت لالقيته في كيس ولا طعام ولا غيره اتلحقه بيدي وأفغصه وأدهكه ، البخاخات والفليتات أعدمتنا وأعدمة صدورنا ويدينا وأجسامنا وملابسنا وبالذات أنا لأني دايم أبخه ، الله يجزاكم خير من عنده حل ولا طريقة مجربة ولا دوا نافع يدلنا عليه الله يجزاكم جميع خير ويجزاكم بالجنة ونعيمها .