|
مواقع للبحث عن السيارات المسروقة في غرب الرياض السلام عليكم ورحمة الله وبركاتة الله يبعد عنا وعنكم عيال الحرام وعسى الله ان يرد ضالة كل مسلم حبيت اذكر لكم بعض الاماكن والشوارع اللي تفيدكم بوجود السيارات المسروقة بواقع خبرة في غرب الرياض اولاً / حي الفواز على طريق ديراب وانت رايح للشفاء ثانياً / مخطط الغروب على طريق مكة المكرمة قبل طلعت الجدية ثالثاً / شارع الكهرباء وهو مقابل محطة الكهرباء في الدخل المحدود رابعاً / شارع القرية مع تقاطع شارع المخدرات وهو امتداد اسواق القرية الشعبية مقابل متوسطة الطحاوي للبنين خامساً / حي خط المية وهو من اخطر الاحياء الموجودة في الرياض ويقع على طريق مكة المكرمة خل نادي النصر على يمينك واطلع سيده لين توصل اخر اشارة على كبري خط مكة والحي يصير قدامك سادسا ً / الطريق الدائري مخرج 25 على نفس الدائري قبل جيان .... اخر الليل يصير فيه الشق والبعج يعني من يوم تنسرق سيارتك رح دور عليها في احد هالشوارع ولا تنتظر مرور يدورها لك انا انسرقت مني مكسيما ورحت ولقيتها في حي الفواز ولقيتها مع 3بزارين وجلسنا نستهبل معهم لين وقفوا وبعدها عينك ماتشوف الا الدمان كسرنا يد ورجل السائق وشقينا راس المعزز او المساعد للسائق والثالث ما جاه الا كف لانه على طول صاح يوم شاف عددنا كنا سبعة شباب رايحين بسيارتين المهم ما اطول عليكم اللي عندة اضافة للشوارع يذكرها وتقبلو تحياتي |
| الساعة الآن 07:20 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir