هامت مضر للشاعر : عقاب التميمي
 

هامت مضر للشاعر : عقاب التميمي
*************

ياهاجسي منتـه من القاف معذور
اما تـجـي ولا علـى الـوم مـيلـه

ابسبـح بحـور الشعـر وتـرك بحـور
وجيب مـن بحـر الفخـر مستحيله

ربعـي تميـم " العـز ماتقبـل الجور
اهـل الوفاء والطيب وهـل الجميلـه

ربعي تميم " الياء الدخيل ادرك السور
أتخـلــص المـحتـاج بيـت وسـيلـه

ربعـي تميـم " ان صـف للقـوم طابور
مثل السحاب الـي على الارض سيله

ربعـي تميـم " ان كان للمفخـره دور
فيهاء الفخر والعز وهـل الفضيلـه

ربعي تميـم " الياء اختلف بالزمن شور
مـن شورهاء كـل القبايـل قبيلـه

ربعـي تميـم " ان كان الاسلام له نـور
مـن نورهاء كـن الزمن مات ليلـه

ربعي تميـم " ان وصلت الشلـف لزور
مثل الرواسـي والـجبـال الضليلـه

ربعـي تميـم " ان كان للحـومه طيـور
منهاء الحـرار النادرات الاصيلـه

ربعي تميـم " العـز مافيهم قصور
اهـل النفوس الطاهرات النبيلـه

ربعي تميـم " الياء الكرم راح مذكـور
تشوم عـن مـد العطاياء القليلـه

ربعي تميـم " ان كان بالفضل مشكور
تفضلـت فضـل الكريـم لـدخيلـه

ربعي تميـم " الـي لهاء المجـد منشـور
ياحـي راسـن بالنسـب ينتميلـه

اناء اشهـد ان الصيت باقي ومعمور
والمـدح يقـصـر عـن فـعـول القـبيلـه

هامت مضـر كاهل عـرب لزمـن طـور
وعـروقهـاء الـي تاصـل المـاء دليلـه

من دون تهميش القبايل " بلا قصور
كلـن علـى فعلـه مـوازيـن كـيلـه