..~| ولا لغيركـ لا حشى ما اتنزل ..
 

يسلمووووووووووووووووو

البارت الأول :

فديـــت رۉح اللــے ذبحــے ۉداده افديـہ انــا بمالـــے وحالـــے ۉالاقــــارب
حـبــہ سكـــن قلبـــے ۉعمـــہ ۉســـاده ۉأصبــح بۉسط القلــــب ۉتحلل ۉذاب
كل ما ينبض قلبـــے احبـہ زيـــادة حتــى عرفـــت ان عشرتـہ طب الأحباب
ما دريت انـــي بحبگ مادريـــت ليــــن شفتـــگ ۉانشغـــل قلبـــے بحبــگ
اۉ ما عرفـــت انـــے على دربـگ مشيت غير لما تاه قلبـــے ۉسط دربــگ
من هـــويت امـــن العلالـــے لك هــۉيت مثل طيـــر صابتــــہ نيـران حربگ
لا تعذبنـــے مـــن الــــۉد اكتـــويت ۉمـــــا أريــــد الا أعيــش العمر جنبــگ
مـــن نظرتــگ أول النظـــرة ابتليــــت ۉ لــي بلانـــے هۉ ذنبـــے ولا ذنبگ
غصب عنـــے فـــے محبتكــم بديت خــذ قلبـــے وحطنـــے في ۉسط قلبگ
يا فــريـــد الحســـن مثلك ماريـــت ۉ ما خــلق شرۉاگ فـــے هالكـۉن ربگ

اليازيه كانت تدرس في غرفتها لأن باجر أول امتحان عندها من امتحانات الثانوية
ام اليازيه ( راحت صوب حجره اليازيه ) : اليازيه .. فتحي الباب ..
اليازيه : لحظه ماماتي ..
وفتحت اليازيه الباب لأمها اللي كانت يايبه عصير و سندويج لليازيه ..
ام اليازيه : ندوج كلي .. ما تغديتي اليوم عدل ..
اليازيه : إن شاء الله ماماتي .. تسلم إيدج ..
ام اليازيه : درسي عدل .. نبا نسبه تبيض الويه ..
اليازيه : إن شاء الله ماماتي ولا تنسيني في دعواتج ..
ام اليازيه : ابد مانسيتج .. كل صلاه ادعي ربي يسهل عليج ويوفقح ..
اليازيه : فديتج ماماتي ..
ام اليازيه : يله أخليج اللحين .. بسير أوعي ابوج ..
طلعت ام اليازيه من حجره اليازيه وراحت صوب حجرتها توعي بو اليازيه .. وكملت اليازيه دراستها ..على المغرب خلصت ونزلت تحت ..
اليازيه : مساء الخير ..
أبو اليازيه + ام اليازيه : مساء النور ..
قعدت اليازيه عدال أبوها ..
أبو اليازيه : بنتي خلصتي دراسه ..
اليازيه : هيه باباتي .. ما قلتلي شو بتيبلي إذا يبت نسبه ترفع الرأس ؟
أبو اليازيه : كل اللي فخاطرج بس أنتي طلبي ..
اليازيه : أبا ممـ سفره ..
أبو اليازيه : تأمرين أمر.. طلباتج أوامر ..
وقعدوا يشوفون التلفزيون ..

(((( اليازيه وحيده أمها وأبوها ..تطيح الطير من سماه من حلاتها .. كل شي فيها خباال .. كل طلباتها أوامر.. أبوها ( راشد ) ريال عنده خير .. ربيعتها الروح بالروح اسمها سارة .. عندها عم ( عمها علي أكبر خوانه ساكن في نفس الحارة اللي فيها فلت بو اليازيه ، عنده ولدين وبنت ،محمد اكبر أخوانه وأكبر عن اليازيه بسنتين ( 20 ) ومريم اصغر عن محمد عمرها ( 17) ،هادي عمره (15 ) وأم علي ساكنه وياهم في نفس الفله وأبو علي متوفي من 19 سنه )
وعندها خال و3 خالات .. أمها ( شيخه ) اصغر خوانها .. (خالها خلفان عنده 3 أولاد وبنتين )
(وخالتها فاطمة (أم عبد الله)عندها ولدين و4بنات عندها عبدالله اكبر خوانه معرس قريب مأخذ بنت عمه نوره وبعدهم مايابوا عيال،وبعده مهره و هزاع ( توم ) عمرهم 19يشابهون بس هزاع أحلا بتعرفون شخصيه هزاع أكثر في القصة ، وبعدهم حصة و روضه و ميثا )
( وخالتها شما عندها ولد وبنت ) ))))

راحت اليازيه حجرتها بعد ما تعشت ويا أمها وأبوها ،اليازيه( بدق لساروه بشوف علومها ما كلمتها اليوم )
اليازيه : الو مرحبا ساروه ..
ساروه : مرحبا بج زود .. شحالج يزوي ؟
اليازيه : تسرج أحوالي .. ومن صوبج ؟
ساروه : الحمدالله ..
اليازيه : درستي ؟
ساروه : هيه .. أكيد
اليازيه : اهاا .. شو خلصتي ولا بعدج ؟
ساروه : خلصت .. والحين بنزل اتعشا ..
اليازيه : اهاا .. عيل أخليج تعشي .. كلي عدل عشان تعرفين تحلين في الامتحان ..
ساروه : اوكي يله بباي .. صح يزوي .. ترى مشاعل حاشرتني حشره تبا رقمج أو إيميلج .. دخيلج فكيني منها ..
اليازيه : ههههههههه .. تستاهلين .. ما يخصني فيها ..
ساروه :يزووي .. هيه معجبه فيج انا بعد شو يخصني ..
اليازيه :ههههههههه .. ما ادري ..
ساروه : اوكي باي .. نشوفج على خير باجر ..
اليازيه : مع السلامة ..
اليازيه ( فديتج ساروه ما أقدر اصبر بدونج والله انج أغلي من روحي .. بروح أنام ورايه امتحان باجر ولازم أقوم الفير أراجع شوي)

في بيت فاطمة ( ام عبد الله ) بعد العشاء :ـ
ام عبدالله : مهاري .. نظفت ميري قسم عبدالله ونوره ؟
مهره : هيه امايه .. نظفته العصر ..
ام عبد الله : زين .. هم بيون باجر الضحى من دبي ..
حصه : اليوم خلصنا امتحانات .. وباجر أول يوم عند يزوي..
ام عبدالله : هيه .. حليلها يزوي .. ثنويه عامه .. الله يكون بعونها..
حصه : أنزين .. أمايه ما بنسافر ؟
هزاع : وين نسافر ؟
حصه : أي مكان .. نبا نغير جو كله إلا في الدار ..
ام عبدالله : بنحوط إلى في دار بو سلطان ..
هزاع : صدقها أمي .. ماا شي أحلى عن دار بو خليفة ..
حصه : ما شي أحلى عنها .. بس ما يمنع انا نسافر ..
مهره : ما فينا على شده السفر ..
هزاع : عيل وينها مياثي ؟
مهره : فوق في غرفتها ..
هزاع : شو تسوي ..
مهره : اونهاا بتابع فلم ..
حصه : ميثا مستحيل تابع الفلم كله .. هههههه
هزاع : ليش ؟!
حصه : اللحين بتحصلها رااقده ..
هزاع : هههههههه .. بسير أشوفها و بالمرة بتلبس و بطلع ..
ام هزاع : وين بها نصايف الليول ؟
هزاع : أمي بعده وقت إلا الساعة عشر ونص ..
ام هزاع : أنزين عشر ونص .. وين بتسير بالوقت ؟
هزاع : ما ادري والله .. بشوف الربع وين وبسير صوبهم .
حصه : هزااع .. دام ما تعرف وين تسير .. شو رأيك تودينا المول ؟
هزاع : شووو ؟!!!! اللحين اوديكم المول ؟
حصه : هيه ..
هزاع : شوو تخبلتي ؟
مهره : والله .. من زمان ماا رحناا ودنا نسير ..
هزاع : دام مهره تبا تسير .. بوديكن باجر ..
حصه : وشمعنا مهرووه ؟
هزاع : ههههه .. لأنها تويمتيه ..
حصه : لا والله .. امايه ليش ما يبتيني تويمه هزاع عشان يوديني وين أبا ؟
ام عبدالله : ههههههههه ..
هزاع : فكينا من حشرج حصوص .. يله فداعه الله ..
( وراح هزاع فوق .. فج حجره ميثا وحصلها راقدة والتفزون شغال وقعد يضحك .. وراح صوب حجرته تلبس وتكشخ كان شكله خباال و نزل تحت )
هزاع : مهره بتروحين ويايه ؟!!
حصه : وين إن شاء الله ..
هزاع : قلت مهره ما قلت حصه ..
مهره : ههههههه .. وين بتوديني ؟
هزاع : المكان اللي تبينه .. بس غياض لحصه ..
ويدخل بو عبد الله البيت .. وتربع حصه صوب أبوها ..
حصه : باباتي .. شوف هزاع بيطلع مهره وما بيطلعني وياهم ..
بو عبد الله : واحيلي أدش البيت ..
هزاع : مرحبا أبويه ..
بو عبدالله :مرحبتين .. وين بتطلعون ؟
هزاع : ماا ادري والله ..
بو عبدالله : عيل حصه تقول بتسير أنت وختك ؟
هزاع : هيه .. بنسير غياض فيها .. مهاري سيري لبسي عباتج ..
بو عبد الله : من صدقك بطلعون اللحين ؟
هزاع : هيه .. بنسير مبزرة انا ومهره وووبس ..
حصه : اااف .. الدرب .. باباتي بيوديني المول باجر صح بابا ؟
بو عبدالله : بوديج وراء باجر .. نسيتي باجر بيي اخوج وحرمته ..
حصه : اوكي ..
هزاع يله مهره سيري لبسي عباتج ..
مهره : من صدقك تتكلم ؟
هزاع : هيه ..
مهره : ما بتطلع ويا الشباب ؟
هزاع : لاااا .. ما فيه على حشرتهم .. بسير مبزرة و بشلج وياياه ..
مهره : يله ثواني ..
هزاع : ويله أنتي بعد حصوص .. كسرتي خاطريه .. بسرعة اترياكن في السيارة..
( ما صدقت حصه ربعت تلبس عباتها ،لبسنا عباياهن و ركبن سيارة هزاع )
في الطريق صوب مبزره ، وقف هزاع قرب كافتيريا ..
هزاع : شو تحبن تشربن ؟
حصه : عصير كوكتيل ..
هزاع : وأنتي مهره ؟
مهره : أي شي على ذوقكك ..
هزاع : حصوص شوفي الذوق مب أنتي سيــده كوكتيل ..
مهره : هههههههه ..
حصه : يله يله اطلب وخلصناا ..
وطلبوا ،وارحوا مبزره ، ورجعوا البيت على الساعة 12 ..
دخل كل واحد غرفته مهره و حصه ناموا .. بس هزاع شغل التلفزيون وقعد يجلب القنوات ..

الصبح في بيت بو اليازيه :ـ
قامت اليازيه من الفير و قعدت تراجع مره أخيره للأمتحان .. وبعدها تسبحت و تلبست للمدرسه .. وهيه قاعدة تمشط شعرها وصلها مسج ..
اليازيه : مسج !! منو مطرش هالوقت .. ( صباح الورد يا الورد ) فديتهاا هاي سارووه .. برد عليها : ( صباح الفل والياسمين لأحلى إنسانه في هالكون )
وحطت الفون في الدرج وبعد ما تجهزت للمدرسه نزلت تحت ..
اليازيه :صباح الخير ..
ام اليازيه + بو اليازيه : صباح النور ..
باست أمها وأبوها على رؤوسهم وقعدت على طاوله الطعام عشان تتريق وياهم
اليازيه : الحمدالله .. ماماتي الدريول برع ؟
أبو اليازيه : وليش الدريول وأنا موجود .. تبين أوصلج ؟
اليازيه : ما عندك شغل ؟
أبو اليازيه : بوصلج وبروح الشركه ..
اليازيه : اوكيك باباتي .. يله ترى بتأخرني ..
أبو اليازيه : يله ..
اليازيه : فداعه الله ماماتي .. دعواتج ..
ام اليازيه : الله يوفقج إن شاء الله ويسهل عليج الأمتحان .. فمان الله ..
أبو اليازيه : بس الدعوات لليازيه .. واناا ماالي شي ..
ام اليازيه :: هههههه إن شاء الله ما أنساك دوم ادعي لك ..
أبو اليازيه : تسلمين .. يله فمان الله ..
وصل أبو اليازيه اليازيه المدرسه وراح هو شغله ..
في المدرسه ..
ساره : هلا والله بيزووي ..
اليازيه : آهلين سواري .. شحالج ؟
ساره : بخير دامني شفتج ..
اليازيه : دووم .. ساروه مرتبكة واايد ..
ساره : ليش ؟
اليازيه : ماا ادري .. خايفه من الامتحان ؟
ساره : لا تخافين .. إن شاء الله بيكون سهل .. لا تحاتين ..
.......: صباح الخير ..
اليازيه : صباح النور ..
ساره : يزووي هاي مشاعل اللي خبرتج عنهاا ..
اليازيه : هلا مشاعل ..
مشاعل : آهلين وسهلين ..
ساروه : مشاعل شو اللي يايبنج صوبنا ؟!!!
مشاعل : مب يايه حقج يايه حق يزووي حــ ..
ساروه : نعم .. كملي ليش سكتي .. يزوي مب راعيه هالحركات ..
اليازيه : ساروه هدي اعصابج .. خليها تولي عنج نسير صوب الكلاس ..
ساروه : اوكي ..
وراحنا انا وساروه صوب الكلاس لأنه ما باقي شي عن الامتحان .. يا وقت الامتحان و امتحنا كان وايد سهل بالنسبة لي .. حليت أوكي و توقعت ايب درجه كاملة ..

في بيت بو عبدالله : ـ
عبدالله ( يحدر البيت هو وحرمته ): السلام عليكم ...
الكل : وعليكم السلام ..
ام عبدالله : مرحبا مرحبا .. نورتوا البيت ..
نوره : تسلمين عمتيه .. النور نوركم ..
هزاع ( توه ناش من الرقاد وحادر الصاله ): السلام عليكم ..
الكل : وعليكم السلام ..
هزاع : شحالك عبدالله ؟
عبدالله : يسرك الحال ..
هزاع : شحالج حرمت خويه ؟
نوره : الحمدالله ..
هزاع : مديم حالكم ..
وقعدوا يسولفون .. لين الغداء و بعد الغداء راح كل واحد غرفته ..
راح هزاع صوب حجرته .. وشغل اللاب توب .. وفتح المسن ..
هزاع : آووه .. محد داش .. بدش ديم الإمارات منتدايه المفضل ..

وخطفن أيام الامتحانات على خير .. أغلبية الامتحانات واااايد سهلات ..
بعد ما طلعنا من قاعه الامتحان وكان أخر امتحان :ـ
اليازيه: هاه ساروه شو الامتحان ؟
ساروه : ممـ يعني .. سهل فيه كم سؤال شوي صعبات ما حليتهن ..
اليازيه: يوم أقولج درسي درسي .. ما طعتي .. اونه أخر امتحان وبيكون سهل ..
ساروه : هيه سهل ..
اليازيه: سهل و تقولين كم سؤال صعبات ما حليتيهن ..
ساوره : المهم .. قومي بنسير نسلم على ربايعنا ..
اليازيه: يله .. عفتج طول الوقت عندج بسير صوب رواضي ..
ساروه : روحي الدرب .. ( سوت عمرها زعلانه وراحت )
اليازيه: ساروه .. بليز .. مب قصدي .. اسولف وياج ..
ساروه : ....... بعدها زعلانه ..
اليازيه: خلاص ما بسير عند حد .. بس أنتي ما تزعلين بليز ساوااري ..
ساروه : لا سيري عند روضه ..
اليازيه: ما تهمني روضه كثر ما تهميني ..
ساروه : اوكي خلاص .. نسير صوب البنات ..
ورحنا صوب البنات و سلمنا عليهن ، وبعدها خطفت ساروه بيتها و انا رحت صوب بيتنا .. دخلت البيت لقيت الصاله فاضيه .. ورحت صوب غرفتيه ..
تسبحت و تلبست ورحت صوب الفون .. اتصلت لبنت خالتيه مهاري ..
اليازيه : مرحبا مليار ..
مهره : مرحبا بج زود .. شحالج يزوي ؟
اليازيه : الحمد الله .. ومن صوبج ؟
مهره : تسرج الأحوال ..
اليازيه : مديم حالج ..
مهره : وياااج .. شو سويتي في إمتحاناتج ؟
اليازيه : الحمد الله .. اليوم كان أخر يوم وخلصنا ..
مهره : اهاا ..
اليازيه : ما بتون صوبي أنتي و حصوه ومياثي ؟
مهره : مااا ادري والله .. بشوف ..
اليازيه : اوكيك .. بترياكن ..
مهره : يمكن ما ني ..
اليازيه : ليش ؟
مهره : محد بيودينا .. الدريول امايه بتشله بتسير السوق ..
اليازيه : بطرش لج دريولنا .. ما عنده شغله ..
مهره : لااالااا بشوف خواني إذا بيودونا ..
اليازيه : اوكي .. إذا ما بيودونج دقي لي بخلي الدريول يج ..
مهره : تسلمين .. اوكي ..
اليازيه : يله أخليج اللحين ..
مهره : بااي ..
اليازيه : باياات ..
سكرت الفون ورحت تحت.. وين ماما محد في الصاله .. بروح صوب المطبخ ..
اليازيه: ميري .. العصر سوي كيك و فطاير وعصير ..
ميري: اوكي ..
اليازيه: شو سويتوا غداء ؟
ميري: مهشي ورق عنب و شوربه ومكبوس دجاج وسلطات ..
اليازيه : اهاا .. وماما وين ؟
ميري : ماماه يروح ما ادري وين ..
اليازيه : اهاا ..
ورحت الصاله و شغلت التلفزيون .. بدق لماماتي بشوفها وين ؟
هلا
ام اليازيه : اهلين ..
اليازيه : ماما وين أنتي رديت البيت ما حصلت حد ..
ام اليازيه : هيه فديتج سرت ويا خالت شما السوق ..
اليازيه : أيواا .. سلمي على خالووه ..
ام اليازيه : يوصل .. شو سويتي في الامتحان ..
اليازيه : ماا شي .. سهل واايد ..
ام اليازيه : اوكي .. تبين شي من السوق ؟
اليازيه : أي سوق رايحين ؟
ام اليازيه : الجيمي مول ..
اليازيه : لاا سلامتج ماماتي ..
ام اليازيه : الله يسلمج .. يله شوي وبنرجع البيت ..
اليازيه : اوكيه .. يله مع السلامه ..
ام اليازيه : فداعه الله ..
وقعدت اليازيه تشوف التلفزيون .. وشويه و يدخل أبو اليازيه البيت ..
أبو اليازيه : السلام عليكم ..
اليازيه : وعليك السلام ..
أبو اليازيه : شحالج بنتي ؟
اليازيه : انا بخير الحمد الله .. انته شحالك ؟
أبو اليازيه : الحمد الله .. وعلوم الامتحان اليوم ؟
اليازيه : الحمد الله .. سهل واايد ..
أبو اليازيه : ومتى بتظهر النسب ؟
اليازيه : ما ادري والله ..
أبو اليازيه : خلي النتايج يطلعن .. وبسوي لج حفله لا صارت ولا ستوت ..
اليازيه : تسلم باباتي ..
أبو اليازيه : إلا أمج بعدها ما ردت من السوق ؟
اليازيه : لاا بعد شوي بترجع ..
أبو اليازيه : اهاا ..
وقعدنا انا وباباتي نسولف و بعدها يت ماماتي وقعدت بعد ويانا ورحنا صوب غرفه الطعام عشان نتغدى
على الغداء :
ام اليازيه : شو بتخصصين في الجامعة ؟
اليازيه : أبا هندسه كمبيوتر..
ابو اليازيه : حلوه الهندسة .. بس ما كنتي تبين تكونين دكتورة ..
اليازيه : هههههه .. لاا ذيج أحلام الطفولة .. ماا أريد أكون دكتورة ..
وخلصنا الغداء ورحت غرفتيه .. شغلت الاب و فتحت المسن ..
إضافه يديده .. منو راعي هالإيميل ؟ ولد دار الزين ؟!
أضيفه ولا لا ؟؟ بضيفه بشوف من وين ياب إيميلي ..
اليازيه : السلام عليكم والرحمة ..
ولد دار الزين : وعليكم السلام .. هلا والله ..
اليازيه : اهلين .. ممكن أعرف من وين يايب إيميلي ؟
ولد دار الزين : مممـ مهم تعرفين ..
اليازيه : هيه مهم ..
ولد دار زين : اوكي سألي أول شي اناا منو ؟
ولد دار الزين : انا سلطان .. ممكن أكون بوي فرند ..
اليازيه : مب لازم اعرف اسمك .. لاا مش ممكن ..
اليازيه : واللحين يله باااي .. وسو لي بلوك ودليت ..
طلعت من المسن .. وقعدتا التلفزيون في غرفتي ..
على العصر .. نزلت تحت
ميري : خلاص أكل ..
اليازيه : اوكي جيبيه حطيه في الصاله ..
ميري : اوكي ..
اليازيه : بدق لساروه ما كلمتها اليوم إلا الصبح في المدرسة ..
ساوره : مرحبا ..
اليازيه : مرحبتين .. شحالج سواري ؟
ساروه : بخير الحمد الله .. ومن صوبج ؟
اليازيه : الحمد الله ..
ساروه : شو تسوين ؟
اليازيه : ما شي والله .. اتريا بنات خالوه فاطمة بين عندي ..
ساوره : اهاا ..
اليازيه : ياني خط ثاني أكيد مهاري .. اكلمج بعدين ساوره ..
ساروه : اوكي ..
اليازيه : الو ..
مهره : آهلين .. بنيكم بعد شوي .. خالتيه هنيه ..
اليازيه : هيه ماماتي هنيه .. ليش ؟
مهره : لان هزاع بيبنا .. وبالمرة بيسلم على خالوه ..
اليازيه : اهاا .. حياكم ..
مهره : اوكي باي ..
اليازيه : باياات ..
وصكرت الفون .. بروح أشوف أمي وينهاا الحين بيون عيال خالوه ..
لقيتها في غرفتها .. وخبرتها انه هزاع اللحين بيي .. اللي أعرفه عن هزاع انه توم مهره ويتشابهون .. بس ولا مره شفته .. فرصه اليوم بشوفه ..
نزلت انا وماماتي تحت .. و شوي ويدخلون عيال خالوه فاطمة ..
هزاع : هود يا هل البيت ..
ام اليازيه : هدى .. قربوا .. حيااكم ..
هزاع + مهره + حصة + ميثا : السلام عليكم والرحمه ..
ام اليازيه + اليازيه : وعليكم السلام ..
وسلم هزاع على ام اليازيه و سلمن البنات على ام اليازيه و اليازيه ، وعيون هزاع متعلقه باليازيه ..
(ما ادري شو فيني أحس بشي من صوب هالإنسان ،هو ما نزل عيونه عني )
هزاع ( ما شفت مثله في البشر مدري ملك ولا قمر الله أكبر من حلاه ضيعت حتى موقفي ): شحالج ؟
اليازيه( ابتسمت اليازيه وردت على هزاع) : الحمد الله .. شحالك أنته ؟
هزاع ( الله أعلم بحالي بعد ما شفت ريم الفلا ) : الحمد الله ..
مهره : هزاع هاي اليازيه ..
ام اليازيه : ليش هزاع ما يعرف يزوي ؟
مهره : لاا أول مره يتلاقون ..
ام عبد الله : تفضلوا بتمون جي واقفين ..

فديـــــت اللي لـــه بقلبـــے مكانــــہ
غريــــب الۉصــف حتى في كلامـہ
كثيــــر الزيــــن يـــۉم اقبــل ۉسلم
فـــرض حبــــہ ۉتقديره ۉاحترامـہ