حرارة الباترول 98 مكينة 4500
 

السلام عليكم

مشكلتي مشكله مع الحراره من اول ما شريت الموتر مع ان الموتر مع راعية الاول ممتاز ولا يشتكي من الحراره

بهذلني اول شي بسبة المراوح وصلحتها الي هي مراوح المكيف بعد ما صلحتها انشق الرديتر مرتين وكان الي راكب عليه صناعة اردنية كد على الموتر اكثر من 6 سنين
وغيرت الرديتر بواحد اردني وشلت البلف

ارتحت لمدة شهرين ونص الى اليوم جتني مشكلتين مع بعض

قبل اسبوع بدت وحده من مراوح المكيف تصلع صوت مزعج وفصلتها ومن بعدها مرتين لا وقفت اكثر من 10 دقايق والمكيف شغال ترتفع الحراره توقعت المشكله من مروحة المكيف المفصوله وخصوصا انها سرعتين والي تشتغل سرعه وحده
وبعد اول ما احدك ترجع الحراره للطبيعي

اليوم ارتفعت الحراره واذا وقفت عند الاشارة نزلت الحراره وبعد ما نزلت اشوف وش السالفه طلعت مروحة المكينة معلقه على السرعه الاولى

المهم طفيت الموتر وحركت المروحه بيدي واحصلها خفيفه كذا تاكدت ان المشكله من التماتيك المهم رجعت شبكت مروحة المكيف وتوكلت على الله وكملت مشواري والحراره تلعب بين الطبيعي والنص وبعد ما وصلت للبيت فور الماء مع القربه فتحت الكبوت وخليته يبرد وبعد ما تقهويت عبيت ماء وشغلت ووجهي للصناعية والمفاجئه ان المروحة اشتغلت بشكل طبيعي على السرعه الثانيه بعد ما احتمى الموتر والى ما وصلت الكهربائي الحراره على الخط الثاني والموتر زي ما تحب وقعدت عند المحل احتري الكهربائي وفاتح الكبوت والمكيف شغال وبعد عشر دقايق انشق الرديتر من حاله وبدا يخر الماء من تحت الطبه الي فوق وطبعا عليه ضمان 3 شهور وباقي عليه اسبوعين الامر بسيط بس الغريبه وش الي شقه من حاله ولو انه مهرب بدون ما ادري بحسب ان فيه شي ضاربه بس كذا قدامي انا والكهربائي فجأة بدا يبخ الماء اول شي ببخار وبعدين يصب ماء وبعدها طفيت وبعد ما وقف الماء تسمع تنسيم البخار

المهم انا الحين محتار اركب تماتيك ولا اركب مراوح سوبارو شوروا علي يا جماعة الخير

بكرا العصر يا اشري تماتيك ولا اوديه لواحد يرهم لي مراوح

وبالنسبه للرديتر مريت المحل وقال مخلص من عندنا الاردني تبي صيني ونرجع لك الفرق ولا تاخذ مبلغك كامل وتدور لك اردني

المشكله اني قبل فريت صناعية النسيم ادور اردني وما حصلت الا عند هالمحل وش رايكم بالصيني ولا اروح للصناعية القديمه اجيب اردني

وطبعا بشتري بلف واركبه وسبب اني شلت البلف الاول انه كان يقفل مع انه جديد واصلي بس الشكوى لله

وعطونا حل نهائي للحراره لانه ببلف ولا بدون تكون الحراره بالنهار فوق الخط الثاني بشوي نفس هالصورة
http://images.tapatalk-cdn.com/15/08...8181b54ed5.jpg
واحياننا اكثر بشوي

وبالليل على الخط الثاني لانه اذا ارتفع عن الخط الثاني ثقل الموتر وضعف تبريد المكيف

شوروا علي يا اهل الخبره


تم الإرسال بواسطة iPhone بإستخدام Tapatalk