خروج دخان ابيض من تورس 2015 (وكالة)
 

بسم الله الرحمن الرحيم

السلام عليكم ورحمة الله وبركاته


بحمد الله الأسبوع الماضي استلمت سيارتي تورس 2015 (SEL - رمادي) من توكيلات الجزيرة - فرع الدمام - طريق الظهران الجبيل

ورغم الفرحة والوناسة إلا انه كدرني وخوفني اول ما شغلت السيارة طلع دخان ابيض مع ريحة كتمتني ..!!

سألت موظف التوكيلات قال لا تخاف السيارة مشيكة من أول قطعة إلى آخر قطعة من الوكالة (شفت ورقة الفحص) ولا فيها اي شيء ..

المهم قلت باخذ السيارة يومين واشوف ،، اليوم الثاني شغلتها ما طلع شيء قلت الحمدلله ..
اليوم اللي بعدهـ شغلتها وطلع دخان ولكن خفيف ويوقف (أخف بكثير من المرة الأولى) وصورته فيديو على هذا الرابط

https://www.youtube.com/watch?v=PaRGa-oJDqU

المهم شاروا لي بعض الإخوان اروح للوكالة وقالي موظف الجزيرة ممكن لأن البيبات جديدة وعليها بعض العزل تسبب دخان اصبر عليها يومين وبعدين تعال اذا استمر ..

شغلتها صباح امس وطلع دخان ،، قررت اروح الوكالة (الخبر) ،،
وتم الفحص والمشكلة السيارة كانت ساخنة ولا طلع دخان ولكن بعد مشاهدة الفيديو ذكر لي المهندس (هندي) بأن المشكلة بسيطة بإذن الله ولا يوجد مشكلة ..
لأنه في الشكمان يوجد (resonator) يجمع الزائد وكذلك اختلاط الرطوبة وتكون الهيدروجين مع الاكسجين في (catalytic converter) وراح تحترق مع بداية تشغيل السيارة وترسل مع الشكمان ويطلع دخان ابيض ..

فـ هل تعتقدون كلامه مقنع ؟؟
لأنه قال دامه اول كان كثييير وبعدين صار اقل هذا معناه في تحسن ..

فـ يا ليت يا إخوان تفيدوني في الموضوع وهل هي مشكلة في السيارة او امر عادي ؟؟..


وشاكر لكم مقدما ،،
تحياتي،،