لا ويكو السنيدي ولا الطمرة وداعا
 

السلام عليكم
كنت اشاور نفسي بثلاجة الطمرة ونويت اشتريها ب 3600 !!!
لكن احمد الله فكني منها شفت عرضها عند السنيدي مشغلة
على الكهرب وتبريدها ماعليه لكن لقيت واحد يسب وبين رجال
عاقل قال لي بالحرف الواحد تبي ثلاجة الرماية 45 لتر معي الطمرة تبريد سريع وحرارة اسرع !!
قلت خلني امر واشوف
جيت خالد بمحل الرماية بريدة ونعم الرجل اردني نصوح ولا ازكيه على
الله طبعا عميل له قال شوف بامكاني اقول لك وانا مرتاح الضمير
خذ 45 لتر فرار وشوف صرفيتها للكهرب والبرودة وبعدها حاكيني او من هالفبيل قلت توكلنا
على الله طبعا اخذتها ب 2300 ريال يعني وفرت 1300 ريال
لقيت الاتي
الوزن 23 ك غرام
الجسم او الهيكل متين جدا 6سم ومبطن بفلين من الوسط سميك خاص بثلاجات المنازل
من داخل ستيل فيها فرار للتحكم بدرجة البرودة موضح فيه كم الدرجة بفركة يد ! من 12 فوق الصفر لين 18 تحت الصفر .
ودقمتين وحده حمراء تشغيل واطفاء
وخضراء فيها نورمل تبريد متدرج وتيربو سريع واكتفيت بالاول وزود يعني نظامين
اللي خلاني اجي اسوي لها دعاية واعترف لانكم اخواني
شغلتها على اقل الدرجات 1 تحت الصفر
لقيتها بعد نصف ساعة الثلج بدا على الجوانب والزين فيها تطول وهي باردة ماهي مثل الطمرة
يقولون ساعة ونصف مايع الماء وصايرة خبيصة لحم بماء :d
واللي خلاني اطير فيها صح صرف الكهرب واقول لكم كيف نظام الثلاجة التحفة
عند التشغيل تسحب 42 وات وعندما تبرد توقف وتناوب السحب وبنسبة منخفضة جدا في كل مرة تشتغل
وتفصل فيها حسب القياس الالكتروني يوم جيت اسلك لها عند مختص والرهيب فيها ايضا عند التسليك وجدت أن ..
الموتور مكتوب صنع سكوب ومعروف انها شركة دانفوس الالمانية اتحدت مع سكوب ونقلت للصين
حتى الطمرة نفس الموتور واللي خلاني اعجب بها زيادة خليتها شغالة من العصر لثاني يوم الضحى
والبطارية من اول دقة سلف ماكأني مشغل شي !! والثلاجة باردة جدا والثلج على الاطراف وهي على درجة برودة 1 تحت الصفر .
وصدق الاخ خالد وبيض الله وجهه شهادة حق والله مالي فيهم لا ناقة ولا جمل غير كلمة حق .
ملاحظة يأتي معها جراب وقطع غيارها متوفرة وان الاوان بصراحة لان اقول وداعا
للطمرة وويكو عامة نحن لم نتوقع ان البديل بهذه الصورة والله يا اخوان كنت ناوي الطمرة ولكن
احمد الله على اني استخرت .
والحقيقة اسعار الطمرة على جودتها ابد ماتستاهل فرق هي والرماية .
انا اتكلم عن 45 لتر فرار ترا ماجربت الباقيات لكن يمدحونهن والسلام