منتدى استراحات زايد - السنيــــدي والجودة المفقودة (بالصور)

السلام عليكم ورحمة الله

صبحكم الله بالخير جميعا

ترددت قبل اكتب الموضوع لكي لايفهمني احد باني متحامل على السنيدي او شي من هالقبيل لاوالله .

كنت ولا ازال زبون للسنيدي ولكن بشرط مراجعة جودة المنتج اولا ثم الأسعار ثانيا.

نلاحظ بالأونه الأخيره تردي منتجات السنيدي واصبح الهدف منها الربحية دون مراعاة الجوانب الأخرى وصارت الدعايات هي الهم الاول ودام الزبون بيشتري ماعليه من احد.

على سبيل المثال اشتريت موقد DPT من السنيدي طبعا معروف ان الصناعه هندية ولكن ثقتي بالسنيدي انه يشرف على جودة المنتج قبل استيراده من اي بلد هي اللي خلتني اشتريه .

ووالله من اول توليعه على بريق شاهي انعطب السبرنج من تحت وتوسعت الحدايد حقته وصار لونها احمر تقول طالعه من فرن ولما المس مفتاحه من تحت احصله ساخن وهذا ممكن يسبب خطر عالدبة .

شاهد الصوره ادناه من اول توليعه صار كذا

http://www.mekshat.com/pix/upload06/...4_imag0118.jpg

طبعا قيمته 66 ريال وبعد التجربة والله ما احط فيه 10 ريال

خصوصا موضوع الغاز لايمكن التسامح معه

مع العلم سبق اني شريت صيني من السنيدي قبل اكثر من سنتين وكان شغال ممتاز

.....

الشي الثاني البرطمانات الحديد شاريه قبل الموقد طبعا واللهي ماجاها استخدام كثير يمكن من ثالث او رابع استخدام طاحت الربلات ولاصارت تكبس ولو اقلبها انكب اللي فيها كله مع اني قيمتها ماهي رخيصه اتوقع الوحده ب 20 او اكثر

شاهد الصورة

http://www.mekshat.com/pix/upload06/...4_imag0122.jpg

وفيه منتجات غيرها ولكن ماتحضرني الحين واتمنى تقبل وجهة نظري بصدر رحب

دمتم بود