ابي شوركم تكفوون؟
 

السلام عليكم ورحمه الله وبركاته

كيف حالكم جميعن ان شاء الله بخير






تكفووون ابي مساعدتكم؟




انا كان معي جيب باترول 94 ومرتاح فيه

لكن مهب هذي المشكله المشكله ان فيه واحد ازعجن عليه ازعاج

لدرجة انه يصبح بوجهي كل صبح


وذا طلعت من المسجد القا ورقه بالباب للبيع


وجان اكثر من مره وبديت اكره الموتر المهم الرجال شره الله يطعمه خيره ويكفيه شره

وشريت هايلكس 2008 غماره ونا كان براسي دفرنسين لكن قالي واحد من الشباب انه ثقيله ويالله تمشي و ان الغماره الدفرنس انشط ومن هالكلام مع اني رجال عاقل ولا نب راعي لعن ولا دوجه من المسجد للبيت وطلعات خفيفه


الحمد لله شريت الموتر وصار معي له مده المهم بالعربي انكسر اظهري ياولد وش السالفه اظهري اوجعن

اقترح واحد من الشباب اني اركب كفرات وجنوط مرسدس ركبنا ودخلنا البر وياليتنا مادخلنا اول الدخله غراز من العصر من الساعه 4 الى الساعه 6 وحفر لاتحفر

كرهت الموتر لدرجه اني تفككت + ظهري راح فيها+ مابه راحه ابد+ يومين تغريزه + ثقيله مره + يعني لا بغيت تدخل افجر وتمشي وهذي ماهب عاداتي مع اني منقص الهوا على خمسه



فاانا ابي رايكم اقدر اركب دفرنس ثاني بحيث تكون دفع رباعي يمكن تخف


وبسالكم عن الغماره الدبل 2008 فيها قمز ولالا؟

وهل هي ثقيله ولالا؟

ولا ابيعها وهج عنه مع ان شكلها حلو وممتاز بس القمز هذا هبل بي


رايكم ايهم احسن سياره لديره وللبر وبدون قمز لاني تعقدت

الحين اذا ركبت مع اخوياي كامري او غيرها احس اني منب مرتاح تعودت على القمز!!




رايـــكـــم يـــهــــمـــن


واسف على الاطاله