منتدى استراحات زايد - الى خبراء الدبل في السوبربان

اخواني تحية طيبة لكم

اشتريت سوبربان موديل 2000 دبل
وانا جاي من الشرقية وقفنا بجنب الخط للصلاة وقلت فرصة اجرب الدبل

يوم دخلت على الرمل شبكت الدبل الخفيف ومشيت شوي ثم ثقل الموتر بقوة واشبك الثقيل وللاسف الموتر تعلق ومعيي يطلع نسمت للكفرات ولكن دون جدوى
بصراحة ضاق صدري وخاب ضني في السوبر
لاني كان معي تاهو قصير موديل 99 وماشاء الله اطمربه اعالي النفود وما عنده مشكله
الشاهد انه جاء راعي جيب نيسان وماقصر سحبنا وطلعنا بصعوبة

ونبهني لشغلة ان المكان اللي نزلت فيه يسمونه هيار وماينفع به لا دبل ولا غيره وحذرني من مثل هالاماكن

بس مو هذي المشكلة
المشكلة بعد ما صلينا وجيت امشي الدبل معلق وحاولت اطفيه ما طفا وولعت لمبة service 4WD طفيت الموتر وشغلته مره ثانية وطفيت الدبل وابشركم طفى ولكن اللمبه مازالت والعه

احب اسمع تعليقاتكم والحلول وكيفية استخدام الدبل وهل السوبر مثل غيره نقدر نطعس به ولا لانه ثقيل مانقدر الا على الجال

ردودكم تهمني الله يوفقكم