عدة مشاكل في اللاندكروزر 2001
 

السلام عليكم و رحمة الله و بركاته
وشلونكم يا الربع عساكم طيبين
عندي جي اكس تانكيين بنزين موديل 2001 ماشي 250 الف كيلو عليه فلتر رياضي
و هدرز كامل بحريني و فيه كذا مشكلة و ودي اشوف رأيكم و نستفيد من خبرتكم

اولا عندي تفتفة خفيفة في الموتر من زمان و الان زادت فقط مع التانكي الاساسي
يبدأ الموتر يترتر و تحسه وده يطفي و لاحظت عليه كتمة و ضعف عزم طبعا
مع التانكي الاساسي فقط اما التانكي الثاني ما يكتم و العزم حليل و فيه تفتفة بس
اخف من الاساسي و طبعا انا على طول حطيت طرمبة البنزين من اول الاحتمالات
علما بأن كل تانكي له طرمبة خاصة فيه

ثانيا فيه ريحة بنزين اشمها حول الكبوت و حواليه بعد المشاوير الطويلة خاصة
وقت الظهر في الصيف و في الشتاء شبه تختفي المشكلة علما بأن الليات مشيك
عليهن سليمات و لا فيهن شيء

ثالثا عزم الموتر احسه ضعيف شوي و احس ان فيه صرفية بنزين

طبعا مغير صفاي بنزين و بواجي و منظف الثروتل