أصوات في كابريس 2012 ارجو الدخول
 

الاخوه الكرام
السلام عليكم ورحمة الله
وكل عام وانتم بصحة وسلامه

عندي كابرس 2012 اس اس مكينة 6.0 ماشي 114

طبعا المعلومات للسياره ذكرتها بالتفصيل حسب سياسة المنتدى.

المشكله : عندي عدة اصوات أتمنى منكم تفيدوني بخصوصها

الصوت الأول قطقطه مع لف الدركسون يمين ويسار والسياره واقفه او تتحرك بسرعه منخفضه. وكأنه صوت واحد يطقطق ضهره. تشبيه متعوب عليه :d والصوت منشأه من الجهة الأماميه اليمنى حتى اني مريت ميكانيكي وجالس ألفلف بالدكسون يمين ويسار والميكانيكي يحط يده على الياي فيحس في يده دقه مع كل صوت طقه.


والصوت الثاني هرقله مع المطبات أسمعها بعد من الأمام. كأنه شي يضرب في شي بس مو مو ضرب حديد في حديد. كأنه حديد يضرب في بلاستيك او ربل ومريت ميزان وكشف عليه من تحت يقول كل الجلد عندك سليمه.!!

مع العلم انه، 1 تم تغيير كراسي مساعدات اللي تجي ع الرفارف الاماميه من تحت بأصلي بس من محل وليس الوكاله.

2 تم تغيير مساعد أيسر أمامي مونرو نفس النوع اللي يجي عليه من المصنع.

3تم تشحيم رمانات كراسي المساعدات بعد ظهور الصوت الأول.

مريت أكثر من ميكانيكي اللي يقول غلط في التجليس وفكه ورجعه وماراح الصوت واللي ماعرف له خير شر، عموما انا لاحظت بعد تغيير الكراسي بأن ركزة الموتر اختلفت كأن الكفرات الأماميه فارشه شوي فهل تحتاج وزن بعد تغيير الكراسي مع العلم انهم مافكوا مسمار الوزن فهل لو انوزنت الاذرعه احتمال يروح الصوت الأول؟

الله يعطيكم العافيه ومشكورين مقدما...